ယုံကြည်မှုဆိုတဲ့အရာတစ်ခု

စကားစကားပြောပါများ စကားထဲကအမှားပါတတ်တယ် ကျနော်လည်း ဘလော့ရေးရင်းနဲ့ အမှားပါတော့မယ်။ ရင်ထဲကအတိုင်းပြောရရင်တော့ တစ်ချို့တစ်ချို့တွေကိုတော်တော်ကြီးကိုစိတ်ကုန်ပါတယ် ။
ကျနော် ဒီကဗျာလေးနဲ့ပဲရင်ဖွင့်လိုက်မယ်ဗျာ ။ မနက်ဖြန်လည်းရုံးသွားစရာရှိသေးလို့ အများကြီးရေးဖို့အချိန်မရဘူး။

ဆင့်ကာပူမှာနေလို့
ငါတို့တွေစိတ်ချမ်းသာနေ
အဆင်ပြေနေတယ်လို့
မင်းဗမာလူတွေက
ထင်ယောင်ကာ ရယ် အားကျတယ်
တနေ့တခါအလုပ်သွားဖို့
စက်ရုပ်တွေလို လှုပ်ရှားနေရတာ
မနက် ၅ နာရီထဲက ည ၁၀ နာရီထိပဲ
ဒီကြားထဲ
ကိုယ်ချင်းမစာမနာ
လုပ်လိုက်တာက email လေး click တစ်ချက်
မဟာရန်ကုန်က အင်နက်ဆိုင်တွေမှာပေါ့
ငါ့မိသားစုရဲ့ယုံကြည်မှုကိုပျက်စီးအောင်
အမျိူးမျိူးလုပ်ကာရယ်
ကျနော့်ကိုစိတ်မချမ်းသာအောင်လုပ်ကြတယ်။
စိတ်ပူနေသော စိတ်သောကရောက်နေသော
အဝေးရောက်ဖေဖေနဲ့မေမေ
ရင်ထဲမှာ ဘယ်လိုခံစားရမလဲ
တွေးကြည့်ရင်
ဒီနေ့ထိ
အသဲနာတုန်းပဲ

ယုံကြည်ဆိုတဲ့အရာတစ်ခုကို
ဘယ်လောက်တန်ဖိုးရှိတယ်ဆိုတာကို
ဆင့်ကာပူကိုရောက်လာတဲ့
တနေ့ကြရင် မင်းတို့သိကြမှာပါ
ဆင့်ကာပူရဲ့ဒုက္ခတွေကိုပေါ့
လမကုန်ခင် ပိုက်ပိုက်ပြတ်မှာစိုးရ ၊
နေမကောင်းမဖြစ်အောင် ရှာကြံအသက်မွေးရ
နေမကောင်းဖြစ်ရင်လည်း ကြိတ်မှိတ်ခံရ
ဒီကြားထဲ မိဘတွေကယုံကြည်လို့
အဝေးကိုလွှတ်ကာ
ကိုယ့်ဘ၀ကို ကြိုးစားနေတဲ့သူကို
မိဘတွေထားတဲ့
ကျနော့်အပေါ်မျှော်လင့်ချက်တွေ
ယုံကြည်မှုတွေပျက်စီးအောင်
လုပ်ရက်သူရေ
တစ်နေ့ကျရင်
လည်လိမ့်မယ်နော် (wut,wut)......

လေးစားလျှက်
သဲသဲ

CCNA Exam အမှတ်တရ

ကျနော်တို့ ၄ယောက်စလုံး CCNA စာမေးပွဲကို pass ဖြစ်ခဲ့တယ်။ အရှေ့က ပုံမှာ အချောဆုံးလေးက ကျွန်တော်သဲသဲ၊ ဒုတိယပုံ က ဆရာသန်းထိုက်စိုး ၊ တတိယပုံက ကိုလေး (ခ)ကိုသန့်ဇင် ၊ နောက်ဆုံးပုံက ကိုသီဟ။
ကျွန်တော် တို့လေးယောက်စလုံးစာမေးပွဲဖြေဖို့ကို တိုက်တွန်းနှိုးဆော်သူကတော့ အလယ်က ခပ်ချောချောကတုန်းလေးကို သန့်ဇင်၊ ကျနော်ကတော့ကိုလေး လို့ပဲခေါ်တတ်တယ်။ အလိုနဲ့ ကျနော်တို့ ကျန်တဲ့ သုံးယောက်စလုံး ဂတုံးလေးရဲ့ မယ်ဆွယ်မှုအောက်မှာ CCNA စာမေးပွဲကိုဖြေဖို့ schedule ဆွဲဖြစ်ကြတယ်။ အဟိ အဲဒီထဲမှာ စာမရဆုံးက ကျွန်တော် CCNA စာမေးပွဲကို schedule ဆွဲတဲ့အချိန်ထိ IOS command တွေကလွဲရင် စာတွေကေ၀၀ါးဝါးပဲရှိသေးတယ်။ ဒါတောင် ကျတော့်ကို IOS command နဲ့ပတ်သက်ပြီး စင်ကာပူက ဆရာကိုသန့်ဇင်အောင်က ၁ရက်သေသေချာ စာသင်ပေးလိုက်လို့ ပေါ့။ ဒါ့အပြင် ရန်ကုန်က ကျွန်တော့်မိတ်ဆွေ အပေါ်ကသုံးယောက်ကို အားကိုးပြီး တနေ့တနေ့ online မှာ e-learning လုပ်ရင်းနဲ့ ဒီနေ့ 2:55 မိနစ်မှာ Cisco Certified Network Associate Exam ကို အောင်မြင်ခဲ့ပါတယ်ဗျာ။ အမှတ်စာရင်းကြေငြာချက်ကတော့ အောက်ပါအတိုင်းဖြစ်ပါတယ် ဗျာ ။။


သဲသဲ 888
ဆရာသန်းထိုက်စိုး 958
ကိုသန့်ဇင်(ခ)ကိုလေး 888
ကိုသီဟ 944

ထုံးစံအတိုင်း ကျနော်သဲသဲ ရဲ့အမှတ်တွေကတော့ စာမေးပွဲမကျရုံတမယ်ပါပဲ ။ စာမေးပွဲမဖြေခင် ID အဆင်မပြေဖြစ်သွားလို့ စာမေးပွဲမဖြေင် ညကော စာမေးပွဲ ဖြေမယ့် နေ့ကော စာမကြည့်လိုက်ရဘူး။ နောက်ဆုံးက ကိုသီဟရယ် ၊ ကျနော်ရယ် ၊ ကိုလေးရယ် က စာမေးပွဲ မှာ အမှတ်အများဆုံးရတဲ့လူက 1 table လို့ပြောထားတာလေ။ အဲဒါကြောင့် ကိုသီဟက ဓာတ်ပုံထဲက အတိုင်း စိတ်ပိန်နေလေရဲ့။

ကျနော် လည်းဘလော့ကိုဒီနေ့ အမှတ်တရနေ့မိုလို့ နောက်ဆုံးအနေနဲ့ ရေးဖြစ်တယ်ထင်တာပဲ ။ ..........

လေးစားလျှက်
သဲသဲ

ခံစားချက်အပိုင်းအစ

ချစ်ရတာ လွယ်ပေမဲ့ တသက်လုံးလက်တွဲဖို့ကျခက်တယ်

သံယောဇဉ်ရှိဖူးပေမဲ့ နင့်ကို ချစ်ဖို့ခက်တယ်

ချစ်ခဲ့တဲ့ မျက်ဝန်းတွေက လူတွေရှေ့ကျရင်ညာဖို့ခက်တယ်

ပျော်စရာတွေများနေပေမဲ့ ငါ့ကိုစိတ်ချမ်းသာစေတဲ့ အရာ ကနည်းတယ် ။ ရှားတယ် ။

လူတွေကိုခင်ဖို့ လွယ်ပေမဲ့ လူ့အကြိုက်တိုင်းကို လိုက်လျောဖို့ ခက်တယ်

သူငယ်ချင်းတွေများပေမဲ့ ငါ့ကို ချစ်ခင်တဲ့ သူငယ်ချင်းရှားတယ်

လူတစ်ယောက် အချစ်ကို သိတတ်ခဲ့ပေမဲ့ ပြောမထွက်ခဲ့တာလည်းများတယ်

စိတ်တွေရှုပ်ရှက်ခက်နေပေမဲ့ ဟန်ဆောင်ခဲ့တာများတယ်။

ငါပြုံးရယ်နေပေမဲ့ မပျော်တဲ့ရက်တွေများတယ်

မင်းကိုလွမ်းနေပေမဲ့ အလုပ်ကိုပဲဖိလုပ်ဖို့ ကြိုးစားမိတယ်

ရီစရာတွေပြောပြီး ဘ၀ကိုခနလောက်တော့ မေ့ထားမိတယ်

မချစ်မမုန်း သံယောဇဉ်များကြားမှာ ကျနော့်ဘ၀ပတ်ချာလည်နေတယ် ။

တရားစခန်းတလလောက်ဝင်ပြီး

မေမေနဲ့ဖေဖေကို တွေ့ချင်တယ်

ဘာမဟုတ်ညာမဟုတ်ခံစားချက်များပါ

လေးစားလျှက်
သဲသဲ

အုန်းနို့ ခေါက်ဆွဲ အာရုဏ်ဆွမ်းအလှူ

ကျနော်ဒီနေ့မနက် toapayoh monastery မှာ အုန်းနို့ခေါက်ဆွဲ အာရုဏ်ဆွမ်းကိုလှူဖြစ်တယ် ။ ကျနော်နဲ့ ကျနော်ရဲ့ အမ မသင်းသင်းဦးနဲ့ အတူ မနေ့ညက တညလုံးမအိပ်ပဲ အိပ်ေ၇းပျက်ခံပြီး ချက်ထားတဲ့ အုန်းနို့ခေါက်ဆွဲ။ အောက်မှာ ပြထားတဲ့ပုံတွေက ဘုန်းကြီးများ အာရုဏ်ဆွမ်းပေးနေတုန်း ရိုက်ထားတဲ့ပုံတွေပါ။
ကျနော့်အမအရင်း မတင်မိုး နဲ့ ဆရာကိုသန့်ဇင်မျိုးကို မခေါ်လိုက်ရဘူး ။ အားချင်းလုပ်ဖြစ်သွားလို့ ၊ အဲဒါနဲ့ အမက ကျနော့်ကိုဒီမနက် ဖုန်းဆက်တော့ သူ့ကိုမခေါ်လို့ စိတ်မကောင်းဖြစ်သွားတဲ့ပုံပဲ။ ကျနော်ဘလော့ထဲကပဲ တောင်းပန်ပါတယ်။ ကျနော့်လည်း မနက် ၅ နာရီအရောက်ဘုန်းကြီးကျောင်းကိုထသွားပြီး အိမ်ထဲကချက်ထားတဲ့ ဘုန်းကြီး ဆွမ်းကို မနက်အာရုံ ၇ နာရီ အမှီကပ်ရတော့ ဘယ်သူ့ကိုမှ မခေါ်ဖြစ်ဘူးဖြစ်သွားတယ် ။ သူငယ်ချင်းအားလုံးကိုလည်းတောင်းပန်ပါတယ်။

ဒုတိယပုံကတော့ ဘုန်းဘုန်းများ မနက်အာရုဏ်ဆွမ်းဘုန်းပေးနေကြတဲ့ပုံဖြစ်ပါတယ်။

ဒီပုံကတော့ မသင်းသင်းဦးနဲ့ ကျနော်နဲ့ အုန်းနို့ခေါက်ဆွဲ ကပ်ဖို့ပြင်နေတဲ့ပုံဖြစ်ပါတယ်

ဒီပုံလေးကတော့ မနက်အာရုဏ်ဆွမ်းကပ်ပြီး အိုက်တိုးပကေးဆန် အိုးတိုက်ပန်ကန်ဆေးနေကြတဲ့ ညီအစ်မ နှစ်ယောက်ပုံဖြစ်ပါတယ်။

ကျနော်တို့အလှူအကြောင်းလေး တစ်ခါတည်းကြုံတုန်းလေးထည့်ကြွားလိုက်ဦးမယ် ။ အဲဒီ အုန်းနို့ခေါက်ဆွဲကို အမှန်အတိုင်းဝန်ခံရရင် တစ်ခါမှ မချက်ဖူးပါဘူး။ မသင်းသင်းဦးကတော့ ချက်ဖူးတယ်။ အဲဒါနဲ့ ကျနော့်အသိတွေကို မေးကြည့်တော့ ပဲအကျက်မှုန့်နဲ့ ချက်ရတယ်လို့ ပြောတယ်။ အဲဒါနဲ့ မနေ့က ပင်နီဆူလာမှာ ပဲအကျက်မှုန့်သွားဝယ်တော့ ဆိုင်ရှင်ကပြောရှာတယ်။ " သမီးရယ် အုန်းနို့ခေါက်ဆွဲ ချက်ရင် ပဲအစိမ်းမှုန့်နဲ့ပဲ ချက်ရတယ်။ " လို့ဆိုင်ရှင်က အကြံပေးရှာတယ်။ သူငယ်ချင်းကပြောထားတာက ပဲအကျတ်မှုန့် ဆိုရင် အနံ့ မထွက်ဘူး ဆိုပြီးချက်ရင် အဆင်ပြေတယ်လို့ ပြောထားတော့ အဲဒါနဲ့ ပဲအကျက်မှုန့်ပဲ ၀ယ်ြဖစ်လိုက်တယ်။ အဲဒီမှာ ဇာတ်လမ်းစတာပဲ ။ အဲဒါနဲ့ ညက ဘုန်းကြီးကျောင်းမပိတ်ခင် ဘုန်းဘုန်းဆီကချက်ဖို့ ပြုတ်ဖို့ အိုးသွားယူတယ်။ ပြီးတော့ ထုံးစံအတိုင်း ဘာမှ မ၀ယ်ရသေးတော့ ကြက်သားနှစ်ကောင်၊ ခေါက်ဆွဲထုတ်၊ အုန်းနို့ ရည်၊ ကြက်သွန်ဖြူ/နီ ၊ ဂျင်း ၊ငံပြာရည် အစရှိသဖြင့်လိုအပ်တဲ့ တိုတိုထွာထွာလေးတွေကို Fair Price မှာလိုက်ဝယ်ပြီး ညီအစ်မနှစ်ယောက် မနိုင့်တနိုင် နဲ့ ဘုန်းကြီးကျောင်းက ပေးလိုက်တဲ့ ချက်ဖို့ ပြုတ်ဖို့ အိုးတွေနဲ့ Fair Priceက၀ယ်လာတဲ့ အထုတ်အပိုးတွေရယ် ကျနော့်ရဲ့  သယ်နေကျ laptopလေးရယ် နဲ့ အိမ်ကို မရောက်ခင် လမ်းမှာ နှစ်ခေါက်နားပြီး ကျနော်တို့ နှစ်ယောက် အိမ်ကိုပြန်ရောက်လာတယ်

ကျနော်တို့ နှစ်ယောက်အိမ်ေ၇ာက်တော့ပဲ ၁၀ နာရီထိုးပြီ။ အဲဒါနဲ့ မချက်တတ်ချက်တတ်နဲ့ ကြက်နှစ်ကောင်ကို အရင်ကိုင်တယ်။ ပြီးတော့ အရိုးနဲ့ အသားနဲ့ကိုဆား ၊ အချိုမှုန့် ၊ ငံပြာရည်နဲ့ ရောပြီး အရင်ပြုတ်ကြတယ်။ ပြောရရင် အဲဒီကထွက်လာတဲ့ ကြက်ပြုတ်ရည်ကို အချိုရည်အနေနဲ့ အုန်းနို့ခေါက်ဆွဲ မှာ ပြန်ထည့်မလို့လေ။

လွဲသွားတာတစ်ခု

မသင်းသင်းဦးက ကျနော့်ကိုမေးတယ် "ညီမလေး ကြက်သားကို ဒီတိုင်းအတုံးတုံးလေးတွေ လှီးပြီ ဆီသတ်မှာလာ။ (or) ပြုတ်ထားတဲ့ြဲကက်သားကို အမျှင်လေးတွေ ခွာပြီးမှဆီသတ်မှာလား တဲ့ " ကျနော်ဟင်းချက်တတ်ပုံများကတော့ "နွှာပြီးဆီသတ်ရင် ကောင်းမယ်ထင်တယ်နော် အမတဲ့" ကျနော်ပြန်ပြောလိုက်တယ်။အမှန်တကယ်က မနက်ကျမှ သိလိုက်တာက ကပ္ပိယကပြောတယ် "အုန်းနို့ခေါက်ဆွဲဆိုတာ ချက်ရင် ကြက်သားကို အစိမ်းကို အတုံးရွယ်တူ မကြီးမသေးလေးတွေတုံပြီး ဆီသတ်ရတယ်တဲ့ " အဲဒီအခါမှ သိလိုက်တယ်။ တယ်တော်တဲ့ကျနော်ပါလားလို့ ။ လုပ်လိုက်ရင်တလွဲကြီးပဲ ။

အဲဒါနဲ့ ပဲကျနော်တို့ ကြက်သားအမျှင်လေးတွေကို ပြုတ်ထားတဲ့ ကြက်သားထဲက ခဲရာခဲဆစ် ခွာပြီး ကြက်သွန်အဖြူ ၊ ဂျင်း ၊ ငရုတ်သီးေ၇ာင်တင်မှုန့် တို့နဲ့ ဆီသတ်တယ်။ ပြီးတော့ အဲဒီ ကြက်သားဆီသတ်ထားတဲ့ အိုးကို ဒီတိုင်းလေးခန ထားလိုက်တယ်။ ပြီးတော့ မှ ပဲအကျက်မှုန့်ဇာတ်လမ်းစတာပေါ့။ အဲဒီပဲအကျက်မှုန့်ကိုေ၇နဲ့စဖျော်ပြီး မကျေတဲ့အမှုန့်လေးတွေကို လက်နဲ့ စချေပြီး ပဲအရည်ကို ကျိုရမှာလေ။ ဖြစ်ချင်တော့ အိမ်မှာက စစ်တဲ့စကာမရှိဘူး။ ကျနော်မ၀ယ်ထားတတ်ဘူး။ အဲဒီမှာ ရွာလည်တော့တာပဲ။ အဲဒီ လို ရေနဲ့ ပဲအကျက်မှုန့်နဲ့ဖျော်လိုက်လို့ ပဲလေးတွေကို ရေထဲမှာရောသွားပြီး ပဲအမှုန့်ကို အစေ့လေးတွေမဖြစ်အောင်လိုက်ချေရတယ်။ တကယ်လို့ အဲဒီလိုပဲမှုန့်အစေ့လေးတွေဖြစ်သွားရင် သူများတွေက စကာနဲ့စစ်ချပြီး ကျေအောင်လုပ်ကြတယ်။ ကျနော့်မှာတော့ စကာမရှိတော့ ကျနော်တစ်ခါမှ မ၀တ်ရသေးတဲ့ ရန်ကုန်က အမေထည့်ပေးလိုက်တဲ့ ချည်အကျီ အဖြူလေးကို တောမှာ အုန်းနို့ရည် ညှစ်သလို လုပ်ပြီး အရည်ကိုအရင်စစ် အစိစိ လေးတွေထနေတဲ့ ပဲမှုန့်လေးကို မနည်းစိတ်ရှည်ရှည်ထားပြီးလိုက်ချေရပါတယ်။ ပြီးတော့ မှ ကျနော်တို့ ပဲကို မီးပေးပြီး စကျိုကြတယ်။ အဲဒီမှာ အရင်လို မီးကို နည်းနည်းလေးပိုပေးမိတယ်။ အမှန်တကယ်က မီးအေးအေးလေးနဲ့ စိတ်ရှည်လက်ရှည်လုပ်ရ တာလေ။

မှတ်ချက် ၊ ပဲအစိမ်းမှုန့်က အုန်းနို့ ခေါက်ဆွဲ ချက်တဲ့နေရာမှာ ပိုအဆင်ပြေပါတယ်။ ပဲအကျက်မှုန့်အနံ့မထွက်တော့ဘူးလေ။


ပြီးတော့ ကျနော်တို့ အဲဒီပဲအရည်ကျိုတာလေးကို စိတ်ရှည်လက်ရှည်နဲ့ မွှေပေးရင်းနဲ့ မနက်၃ နာရီထိုးသွားတယ်။ ပြီးတော့ ကျနော်တို့ ခုနက ကြက်သားအချိုရည်လေးကိုထည့်တယ်။ ပြီးတော့ ကျနော်တို့ ကြက်သားဆီပြန်ချက်ထားတာလေးတွေရယ်၊ အုန်းနို့ရည် နှစ်ဗူးရယ်ကို ရောထည့်တယ်။ ဖြစ်ချင်တော့ ကြက်သားကို အတုံးလေးတွေမလုပ်လိုက်တော့ အုန်းနို့ခေါက်ဆွဲက အရသာရှိပြီး အမြင်မလှဘူးဖြစ်နေတာနဲ့ ကျောင်းရောက်တော့ ကပ္ပိယတွေကပဲ ကျနော်တို့ရဲ့ လက်ရာလေးတွေကို ကြက်သားတုံးလေးတွေကို ဆီပြန်ထက်ချက်ပြီးပြင်ပေးရှာတယ်။ ဒါနဲ့ ပဲ မနက်အာရုဏ်ဆွမ်းလေးဖြစ်သွားပါတော့တယ်။

"ဘလော့လာလည်တဲ့ ကျနော့်ရဲ့ ညီအစ်ကိုမောင်နှမများအားလုံးကို ကျွန်တော်နှင့်အတူ ယနေ့ထပ်တူထပ်မျှ ကုသိုလ်ရပါစေရန် အမျှ အမျှ အမျှ ပါဗျာ"

အလှူပွဲရှိလို့ အော်ဒါမှာချင်ရင်လက်ခံတယ်နော်
ပုံ
သဲသဲ

ထင်ကျန်ရစ်သော နှလုံးသားဝေဒနာ

တွေ့ကြုံရတဲ့ လောကဓံတွေကို
မင်းဘေးနားမှာ ရှိခဲ့စဉ်က
ကြံ့ကြံ့ ခံနိုင်ခဲ့ပေမဲ့
ခုချိန်မှာ တော့
ပြိုလဲချင်နေပြီ။

ရုံးအပြန်လမ်းတလျှောက်ငိုနေခဲ့တယ်
အချစ်ဆိုတာမရှိတဲ့ အဝေးတနေရာကို
ခေါ်သွားပေးကြပါလား
အလွမ်း ဒဏ်ရာတွေနဲ့
ထပ်ပြီး မနေချင်တော့လို့ပါ။

ချစ်သူရေ
ကျနော့်ရဲ့ဘလော့လျှောက်လည်တတ်တဲ့ရောဂါက
ကျနော့်ကိုဒီနေ့ ဒဏ်ခတ်လိုက်ပြန်ပြီ

ပျော်နေတဲ့မင်းမျက်နှာရယ်
မင်းကိုချစ်တဲ့သူတစ်ယောက်ရယ်
မင်းဘေးနားမှာ ရှိနေခဲ့ပြီမို့

မင်းမသိအောင်
ငါ့ရင်ထဲမှာ
ဆွေးနေပါတော့မယ်

ငါစိတ်ဓာတ်တွေကျလို့
မင်းမျက်နှာကို မြင်ချင်တဲ့
နေ့လရက်တွေကို
ဘ၀ထဲက ဆန္ဒတစ်ခုအနေနဲ့သာ
လိုချင်တဲ့ တောင်းဆုတွေမပြည့်ခဲ့တဲ့ငါ
မျက်ဝန်းမှာ မိုးတွေရွာနေလို့
မင်းပုံရိပ်တွေထင်ကျန်နေတဲ့
နှလုံးသားတစ်ခုနဲ့ အတူ
ပြာလဲ့နေတဲ့ ကောင်းကင်ပြာအောက်မှာ
ငါတစ်ယောက်တည်း
မင်းကို မျှော်နေတယ်။

လေးစားလျှက်
သဲသဲ

Bukit Timah Summit

အချစ်နဲ့ ဘ၀

ကျနော်တွေးမိတာလေးရှိလို့ ဒီဘလော့လေးကို တင်လိုက်တာပါ။ ဒီညနေကျနော် toapayoh ဘုန်းကြီးကျောင်းကို သွားပြီးတရားနာတယ် ။ အသိတစ်ယောက်ကပြောလို့ ဒီသတင်းလေးကြားလိုက်ရလို့ စိတ်မကောင်းတော့ဖြစ်သွားတယ် ။ ပြောပုံက ဒီလိုဗျာ "အသက် ၂၅ နှစ်အရွယ် မြန်မာမိန်းကလေးတစ်ယောက် ဒီစင်ကာပူမှာ အိမ်ဖော်အနေနဲ့ လာလုပ်တယ်။ ကျနော်သိရသလောက် စင်ကာပူဒေါ်လာ ၃၀၀ လောက်ရတယ်လို့ပဲ ကြားတယ်။ ပြီးတော့ အိမ်ဖော်အနေနဲ့ လာလုပ်ကျတဲ့ သူတော်တော်များများဟာ အိမ်ရှင်ခွင့်ပြူချက်မရှိပဲနဲ့ အိမ်ပြင်ထွက်လို့ မရဘူး။ အဲဒါနဲ့ အဲဒီကောင်မလေးရဲ့ သူငယ်ချင်းတစ်ယောက် က သူ့အသိကောင်လေးတစ်ယောက်နဲ့ မိတ်ဆက်ပေးလိုက်တယ်။ မေတ္တာငတ်နေတဲ့ အဲဒီ ကောင်မလေးနဲ့ ကောင်လေးနဲ့ ဖုန်းထဲမှာပဲငြိသွားကြတယ်ပေါ့ဗျာ။ အဲဒါနဲ့ပဲ အဲဒီကောင်မလေးဖုန်းလခ ၂၀၀ ကျော်ကုန်ကျသွားတယ်။ အ်ိမ်ရှင်ကလည်း အဲဒီကောင်မလေးကို တော်တော်စိတ်ပျက်သွားပြီး ။ သူကိုကြိုပေးထားတဲ့ လစာ ၂လစာကို အရှုံးခံပြီး စင်ကာပူကနေမြန်မာနိုင်ငံကို ပြန်ပို့လိုက်တယ်တဲ့ ။ အဲဒီတော့ အဲဒီကောင်မလေးခမျာ ရန်ကုန်ကိုပြန်သွားရရှာတယ်။ " ကျနော်ကြားကြားချင်း စိတ်မကောင်းဖြစ်တာက ကျနော်သိရသလောက် ဒီကို အိမ်ဖော် အနေနဲ့ လာလုပ်တဲ့ သူတော်တော်များများဟာ လစာရဲ့ ၇ လစာကို agent fee အနေနဲ့ ပေးရတယ်။ အဲဒီတော့ သူတို့ခမျာ လုပ်ရတဲ့ လခက 7 လကျော်မှ အိမ်ကို ပြန်ပို့ နိုင်မှာလေ။

ကျနော်ပထမစဉ်းစားမိတာက ဒီကိုလာဖို့ ကျနော်တို့ တွေရဲ့ မိဘတွေက ပေးလိုက်တဲ့ ရှိမဲ့စုမဲ့ သူတို့ ခြိုးခြံပြီး မစားရက်မသောက်ရက် ချွေတာသုံးထားတဲ့ ပိုက်ဆံလေးတွေကို ရင်းပြီး ဒီကိုလာရတယ်။ ပိုက်ဆံတင်မဟုတ်ဘူးနော်။ မိဘတွေရဲ့ သားသမီးအပေါ်မှာ ထားခဲ့တဲ့ မျှော်လင့်ချက်လေးတွေ ။ ပြီးတော့ မိဘဆိုတာ ဆင်းရဲ ရဲ ချမ်းသာသာ သူတို့သားသမီးတွေကို သူတို့ရင်ခွင်မှာပဲ ထားချင်တာလေ။ သူတို့ရင်နဲ့ရင်းပြီးတော့ ချစ်တဲ့သားသမီးတွေကို အဝေးတစ်နေရာမှာ ထားရတာ သူတို့ရင်ထဲဘယ်လောက်များ ပူမလဲဗျာ။ ဘာပဲဖြစ်ဖြစ်အဲလိုဖြစ်သွားတော့ ကောင်မလေး မှားသည်ဖြစ်စေ ၊ မှန်သည်ဖြစ်စေ အထိခိုက်ဆုံးက သူကိုယ်တိုင်နဲ့ သူ့မိဘဆွေမျိုးတွေပဲဖြစ်မှာ ။

နောက်တစ်ခုစဉ်းစားမိတာက တစ်ချို့ သောသူတွေက လူတစ်ယောက်ကို တကယ်မချစ် နိုင်ပဲနဲ့ ကတိတွေပေး အာလူးတွေပေးပြီးတော့ သူများဘ၀မှာ အခက်အခဲ စိတ်အနှောင့်အယှက်ဖြစ်အောင်လုပ်တာ မကောင်းဘူးလို့ထင်တယ်။

ြဲ့ပီးတော့ ကျနော်အကြံပေးချင်တဲ့တစ်ချက်က ဒီဘလော့ကို လာဖတ်တဲ့ စာဖတ်သူတွေမှာ မြန်မာနိုင်ငံမှာ ဘွဲ့ရပြီးတော့ ဒီမှာ မိမိနှင့်မဆိုင်သော အလုပ်(အိမ်ဖော်) အစရှိသကဲ့သို့ အလုပ်များ ကို လာလုပ်ချင်တဲ့သူများ ရှိရင် တားကြပါလို့ ။ မြန်မာငွေနဲ့ ပြောရင် အများဆုံးရ၇င်တစ်လ ၂ သိန်းပေါ့ ။ အဲဒီပိုက်ဆံလေးလောက်နဲ့ ကိုယ့်ဘ၀ကို မရင်းကြပါနဲ့ လို့ ။ ဒီလို အစစအရာရာ ဈေးကြီးတဲ့နိုင်ငံမှာ ၂ သိန်းရတဲ့သူဆိုတာ ပိုက်ဆံ ၅ သောင်းတင်အောင်စုဖို့ ဆိုတာ တော်တော်ခက်ပါတယ်။ မြန်မာနိုင်ငံမှာ ဆင်းရဲပေမဲ့ စိတ်ချမ်းသာရတယ်။ မိဘနဲ့ နေရတယ် ။ ဘ၀လုံခြုံတယ်။ စိတ်အေးချမ်းတယ်ဗျာ။ အဲလို အခွင့်အရေးတွေနဲ့ ဘာမဟုတ်တဲ့ ငွေလေးနဲ့ မလဲကြပါနဲ့ ။

နောက်တစ်ခုက ကျနော်ပြောချင်တာလေးပါ။ အချစ်နဲ့ ဘ၀ကိုမရောထွေးလိုက်ကြပါနဲ့လို့ ။ စင်ကာပူမှာ "မီးဖိုချောင်မှာ ပေါင်မုန့်မရှိရင် အချစ်ဆိုတာ တံခါးပေါက်ကထွက်ပြေးမှာပါ" လို့။ ကျနော့်ဘ၀မှာလည်း တစ်ခါတစ်လေ မှာ အဲလိုရောထွေးမိသလိုဖြစ်ခဲ့ပါတယ်။ ဒါပေမဲ့ အချစ်နဲ့ဘ၀ကို ပေါင်းချင်ရင်တော့ ကျနော်တို့ စဉ်းစားရမယ့်အချက်က

• မိဘကိုရော ကိုယ်ကိုတိုင်ကျေကျေနပ်နပ် ကျေးဇူးဆပ်ပြီးပြီလား ?
• ဘ၀မှာရော အာမခံချက် အပြည့်ရှိတဲ့ အလုပ်မျိုးနဲ့ ဘွဲ့မျိုးကို ရောကိုကိုယ်တိုင် ရဖူးပြီလား ?
• လက်တွဲဖော်လို့ထင်ရတဲ့ လူတွေကကော ခင်ဗျားကိုတကယ်နားလည်ရဲ့လား ?
• ကျနော်တို့ကကော သူ့တို့ကိုတကယ်နားလည်ရဲ့လား ?
• မိမိဆွေမျိုးတွေနဲ့ ကောကိုယ်ရွေးချယ်တဲ့ ဘ၀လက်တွဲဖော်ကအဆင်ပြေအောင်နေနိုင်ရဲ့လား ?
  
• မိမိနဲ့ ကော စိတ်ကူးအတွေးအခေါ်ချင်းမျိုးတူရဲ့လား or ကိုယ့်စိတ်ကူးအတွေးအခေါ်ကို ကောလိုက်နိုင်ရဲ့လား ?
  
• အဆင့်အတန်းရှိတဲ့ မိသားစုထဲက ပေါက်ဖွားလာတဲ့ မိသားစုမျိုးလား ?
• မိဘတွေကကော ဆွေမျိုးတွေကကော ကြည်ဖြူနှစ်သက်သဘောတူတဲ့ လူမျိုးတဲ့လား ?
  

ကျနော်တော့အဲဒီမေးခွန်းတွေ မေးလိုက်ရင်းနဲ့ ကျနော်ချစ်သူတစ်ယောက်ကို ဆုံးရှုံးဖူးပါတယ်ဗျာ။
ကျနော့်အထင်ပါ ၊ အချစ်ဆိုတာ အချိန်တန်ရင်ပျောက်သွားတတ်ပေမဲ့ ဘ၀ဆိုတာ အချိန်တိုင်းရှိနေတာလေ။ အချစ်ဆိုတာ အသစ်တဖန်ဖြစ်ပေါ်နိုင်တယ် ။ ကျနော်တို့ဘ၀မှာ အချစ်ကိုဆုံးးရှုံးခံနိုင်ပေမဲ့ ကိုယ့်အပြူအမူကြောင့် ကိုယ့်လုပ်ရပ်ကြောင့်တော့ ကိုယ်ချစ်တဲ့မိသားစုရဲ့ မျှော်လင့်ချက်တွေ၊ မိမိရဲ့ မျှော်လင့်ချက်တွေ ၊ ဘ၀အနာဂတ်တွေကို တော့ ကျနော့်ဘ၀မှာ အပျောက်အပျက်မခံနိုင်ပါဘူး။

အားလုံးပဲ စိတ်ချမ်းသာကိုယ်ကျန်းမာကြပါစေဗျာ။ အစစအရာရာလည်းအစဉ်ပြေပါစေလို့ ။

ဆုတောင်းလျှက်
အပျိုကြီး
သဲသဲ

မွေးနေ့ ဆုတောင်း

အမေ
ဒီနေ့ ဆိုရင် အမေ ၆၄ နှစ်ပြည့်ပြီနော်။
အမေ ကျန်းမာပါစေ။
ကျနော် အမေ့အတွက် အမှတ်တရ
ကဗျာတစ်ပုဒ်ပဲေ၇းစပ်လိုက်တယ် အမေ။

အမေ့နားမှာ
အမေချစ်တဲ့ သားနဲ့ ခင်ပွန်းမရှိပေမဲ့
စိတ်ဓာတ်ပြင်းထန်တဲ့ တို့အမေစု
အမေချစ်တဲ့ မြန်မာပြည်မှာ
ငါ့တိုင်းပြည် ငါ့လူမျိုးကို
ချစ်တဲ့စိတ် တစ်ခုတည်းကို အရင်းခံပြီး
အမေ့အသက်နဲ့ ထပ်တူ
ဘ၀ကိုရင်း လျှက်
နေလာခဲ့တာ ခုဆို
နှစ်၂၀ တောင်ကျော်ပြီ အမေ။
အာဏာရှင် ဘီလူးမျိုးစုံရဲ့ လက်ထဲမှာ
အမေတစ်ယောက်
ဒုက္ခအလီလီ
ရောက်ခဲ့တာတွေလည်း
ပိန်လှီနေတဲ့ အမေ့ခန္ဓာကိုယ်က
သက်သေပြတယ် အမေ။

ဒါပေမဲ့
အမေ့မျက်ဝန်းထဲမှာ
စူးရှတောက်ပတဲ့ မျက်ဝန်းတစ်စုံနဲ့အတူ
အမေ့ရင်ထဲက
စစ်မှန်တဲ့ သစ္စာတရားနဲ့
မျှော်လင့်ချက် နေရောင်ခြည်ကို
အဝေးရောက် ပြည်သူတွေကော
ကျနော်တို့ကော
တစ်ကမ္ဘာလုံးမှာ နေထိုင်ကြတဲ့
တိုင်းပြည် အသီးသီးက ပုဂ္ဂိုလ်တွေကော
မြင်ရတယ် အမေ။
ဒီဆုတောင်းသံလေးကို
အမေကြားရင် ပျော်ပါစေလို့
တွေးဆလျက်

လေးစားလျက်
သဲသဲ

မျှဝေခြင်း

ခုတစ်လော အလုပ်တွေကလည်းများ အကြောင်းမရှိ အကြောင်းရှာ ကျွန်တော်ကတစ်ယောက်တည်းနေပြီး စိတ်ညစ်တတ်တယ်။ အဲဒါနဲ့ ဘလော့ကိုလည်းပြစ်ထားတာကြာပေါ့ ။ဒီနေ့သူငယ်ချင်းတွေအားလုံးအကျိုးရှိစေမယ့် အနှိုင်းမဲ့ဘာဝနာဆိုတဲ့ ရှင်ဆန္ဒာဓိက ရေးထားတဲ့ ဗုဒ္ဓါနုသာတိ ဘာဝနာပွားပုံလေးကို ပြန်လည်မျှဝေလိုက်ပါတယ်။
---------------------------------------------------------------------------------------
အနှိုင်းမဲ့ ဘာဝနာ

(အရှင်ဆန္ဒာဓိက)


လောကမှာရှိရှိသမျှ သမထဘာဝနာတွေ အားလုံးထဲမှာ ဗုဒ္ဓါနုဿတိဘာဝနာဟာ အနှိုင်းမဲ့ ဘာဝ
နာဖြစ်ပါတယ်၊၊ ဘာဝနာဆိုတဲ့ စကားလုံးက ဖြစ်စေခြင်း၊ တိုးပွားစေခြင်းလို့
အဓိပ္ပာယ်ရပါတယ်။စိတ်ကောင်းစိတ်မြတ်တွေ ဖြစ်ပေါ်လာအောင် ပြုလုပ်တာကို ဘာဝနာလို့ခေါ်ပါတယ်၊၊
စိတ် အစဉ်မှာ စိတ်ကောင်းစိတ်မြတ်တွေတိုးပွားနေပြီဆိုရင် နှုတ်အမူအရာ ၊ကိုယ် အမူအရာမှာလည်းစိတ်ကောင်းစိတ်မြတ်တွေလွှမ်းခြုံနေပါလိမ့်မယ်၊၊

ဗုဒ္ဓါုနုဿတိ ၇ဲ့ အာရုံက ဘုရားအာရုံဖြစ်ပြီး ဘုရားအာရုံဟာ တစ်လောကလုံးမှာရှိရှိသမျှ လောကီအာရုံ
ဖြစ်နေလို့ပါပဲ၊၊အမြတ်ဆုံးအာရုံ ကိုသတိရနေသူ၇ဲ့ စိတ်မှာ အမြတ်ဆုံးဓာတ်တွေကူးစက်ပြီး
အမြတ်ဆုံးကုသိုလ် တွေတိုးပွားနေပါတယ်၊၊အမြတ်ဆုံးကုသိုလ်ကြောင့်အမြတ်ဆုံးကောင်းကျိုးတွေ
မလွဲမသွေ ရရှိနိုင်တာမို့ အမြတ်ဆုံးအာရုံကို အောက်မေ့ဆင်ခြင်ရတဲ့ ဗုဒ္ဓါနုဿတိဘာဝနာဟာ
အမြတ်ဆုံးဘာဝနာဖြစ်ပါတယ်၊၊

“အရဟံ “ လို့ အခေါက်ပေါင်းများစွာ၊ ပုတီးပတ်ပေါင်းများစွာ ရွတ်နေရင်
ကုသိုလ်တော့ရပါလိမ့်မယ်၊၊
ဒါပေမဲ့ .. အရဟံဂုဏ်တော်၇ဲ့ အလားတူအရည်အသွေးမျိုးတော့
ကိုယ့်ဘ၀ထဲကူးစက်မလာနိုင်ပါဘူး၊၊
အရဟံ၇ဲ့ အဓိပ္ပာယ်ကို မသိပဲနဲ့ ပါ သက်သက်ပွားနေရုံနဲ့တော့ မြတ်စွာဘုရားရှင်၇ဲ့
အသင်္ချေအနန္တသော ဘုရားဂုဏ်တော်တွေ၇ဲ့ အနှစ်ချုပ်ကတော့ ဂုဏ်တော် ကိုးပါး ပေ့ါ၊
ဂုဏ်တော်ကိုးပါး၇ဲ့ လိုရင်း အဓိပ္ပာယ်ကို အကျဉ်းချုပ်ပြောပြပါရစေ၊

အရဟံ - ကိလေသာအညစ်အကြေးတို့မှကင်ဝေးးစင်ကြယ်တော်မူသောမြတ်စွာဘုရား

စိတ်ကိုပူလောင်စေတတ်တဲ့သဘောတွေ စိတ်ကိုညစ်နွမ်းစေတတ်တဲ့ဓာတ်တွေ ကို
ကိလေသာလို့ခေါ်ပါတယ်၊၊ လောဘ ၊မောဟ၊ဒေါသ၊မာန၊ ဣဿ၊ မစ္ဆရိယ…. အစရှိတဲ့
ကိလေသာတွေပါ၊။ မြတ်စွာဘုရားရှင် မှာ အဲဒီ ဓာတ်ဆိုးစိတ်ဆိုး တွေလုံးဝမရှိဘူးဆိုတာကို
ထပ်တလဲလဲ အာရုံပြုနေရင် ကိုယ့်စိတ်လည်းဓာတ်ဆိုးစိတ်ဆိုးတွေတဖြည်းဖြည်းကင်းရှင်းပြီး
စိတ်ကောင်းစိတ်မြတ်၊စိတ်အေးစိတ်သန့်လေးဖြစ်လာနိုင်ပါတယ်၊၊

အရဟံ - ဆိတ်ကွယ်ရာအရပ်၌ ပင်မကောင်းမှုကိုပြုတော်မမူသောမြတ်စွာဘုရား

မကောင်းမှုပြုတယ်ဆိုတာ စိတ်မှာကိလေသာရှိလို့ပြုတာပါ၊၊
ကိလေသာမှန်သမျှလုံးဝမရှိတော့တဲ့ မြတ်စွာဘုရားဟာ လူရှေ့မှာရော လူကွယ်ရာမှာပါ၊၊
ဘာမကောင်းမှု့မှ မပြုတော့ပါဘူး၊၊ ဒီဂုဏ်ကို အမြဲသတိရနေတဲ့သူဟာမကောင်းမှု့ပြုမယ်ကြံတိုင်းမှာ
အလိုလို စိတ်တွန့်ဆုတ်ပြီး မကောင်းမှု့ အတော်များများကို ရှောင်ကြဉ်ဖြစ်သွားပါလိမ့်မယ်၊၊

အရဟံ - ပူဇော်အထူးကိုခံယူတော်မူထိုက်သောမြတ်စွာဘုရား

ပူဇော်ထိုက်တဲ့ အရည်အချင်းကောင်းတွေရှိလို့ မြတ်စွာဘုရားရှင်ဟာသတ္တ၀ါအားလုံး၇ဲ့ ပူဇော်အထူးကို ခံယူထိုက်ပါတယ်၊၊

သမ္မာသမ္ဗုဒ္ဓေါ-သိစရာအားလုံးတို့ကိုအမှန်အတိုင်းကိုယ်ပိုင်ဥာဏ်ဖြင့်သိတော်မူသောမြတ်စွာဘုရား

အများကသတ်မှတ်ထားတဲ့ပညတ်အရှိသိစရာတွေကိုေ၇ာ ၊သဘာဝအတိုင်းအမြဲမှန်နေတဲ့ပရမတ် အရှိ သိစရာတွေကိုရော ၊သိစရာအားလုံးကိုမြတ်စွာဘုရား သိတော်မူပါတယ်၊၊

မှားမှားယွင်းယွင်းသိတာမဟုတ်ပါဘူး၊၊အမှန်အတိုင်းသိတာပါ၊၊သူများဆီတပည့်ခံပြီးသူများပြောနဲ့သိတာမဟုတ်ပါဘူး၊၊
ကိုယ်ပိုင်ဥာဏ်နဲ့သိတာပါ၊၊ဒီဂုဏ်တော်ကိုပွားများရင် ဥာဏ်ဓာတ်တွေကူးပြီးဥာဏ်ကောင်းလာပါလိမ့်မယ်၊၊ သိစရာမှန်သမျှ အမှန်အတိုင်း သိအောင် ၊ကိုယ်ပိုင်ဥာဏ်နဲ့ သိအောင် လေ့လာချင်တဲ့ စိတ်လည်းထက်သန်လာပါလိမ့်မယ်၊၊

ဝိဇ္ဇာစရဏသမ္ပန္နော - အသိဥာဏ်ရော၊ အကျင့် ပါပြည့်စုံတော်မူသောမြတ်စွာဘုရား

မြတ်စွာဘုရားရှင်ဟာ သိသာသိပြီးမကျင့်တဲ့ သူမဟုတ်ပါဘူး၊ သိလဲသိပြီးကျင့်လည်းကျင့်တဲ့သူပါ၊၊ ဒီဂုဏ်ကိုပွားများပြီးလိုက်နာတဲ့သူဟာ အသိအကျင့်ဘက်စုံမြင့်တဲ့ သူဖြစ်လာနိုင်ပါတယ်၊၊

သုဂတော - ကောင်းသောစကားကိုဆိုတော်မူသောမြတ်စွာဘုရား

မြတ်စွာဘုရားရှင်ဟာ မှန်လည်းမမှန်၊ အကျိုးလည်းမရှိတဲ့ စကားမျိုးလုံးဝမပြောပါဘူး၊၊ မှန်ပေမယ့် အကျိုးမရှိရင်လည်း လုံးဝမပြောပါဘူး၊၊မှန်လည်းမှန် ၊အကျိုးလည်းရှိတဲ့ စကားမျိုးကိုသာ
အခြေအနေအချိန်အခါကြည့်ပြီး ပြောတော်မူပါတယ်၊၊ ဒီဂုဏ်တော်ကိုတကယ်ကြည်ညိုတဲ့ သူဟာဘာစကားပဲပြောပြော မှန်ဖို့နဲ့ အကျိုးရှိဖို့ ကိုအမြဲထည့်သွင်းစဉ်းစားသွားရမှာဖြစ်ပါတယ်၊၊

လောက၀ိဒူ - လောကသုံးပါးကို သိတော်မူသောမြတ်စွာဘုရား

သက်ရှိသတ္တ၀ါဆိုတဲ့ သတ္တလောက ၊သက်မဲ့ ဘုံ ဌာနဆိုတဲ့ သြကာသလောက ၊
ရုပ်နာမ်ပရမတ်ဆိုတဲ့ သင်္ခါရလောက၊ လောကသုံးပါးနဲ့ ပတ်သက်တဲ့ အကြောင်းအရာတွေမှန်သမျှ ကို မြတ်စွာဘုရားနှံနှံစပ်စပ်သိမြင်တော်မူပါတယ်၊၊ဒီဂုဏ်တော်ကိုပွားများရင် လောကအကြောင်း ကောင်းကောင်းသိလာမှာပါ၊၊

အနုတ္တရောပုရိသဒမ္မသာရထိ - ဆုံးမထိုက်သောသတ္တ၀ါတို့ကိုအတုမရှိဆုံးမတော်မူသောမြတ်စွာဘုရား

မြတ်စွာဘုရားရှင်ဟာ အဆုံးအမခံယူမယ့် ပုဂ္ဂိုလ် ရဲ့ လိုအပ်ချက်နဲ့ကွက်တိဖြစ်အောင် အတိအကျ ဆုံးမတော်မူတတ်ပါတယ်၊၊

မကောင်းမှု့ကင်းပရုံ ပဲ ဆုံးမသင့်တဲ့သူကို မကောင်းမှု့ကင်းရုံပဲဆုံးမပြီး ၊ ကောင်းမှု့တိုးရုံပဲ ဆုံးမသင့်တဲ့ သူကိုကောင်းမှု့တိုးရု့ပဲဆုံးမတော်မူပါတယ်၊၊

တရားထူးရသင့်တဲ့ သူကိုတော့ တရားထူးရတဲ့ အထိ ဆုံးမတော်မူတာပါ၊၊ လူတကာကိုတရားထူးမရရအောင် အတင်းဆုံးမတော်မူတတ်တာမဟုတ်ပါဘူး၊၊

ဒီဂုဏ်တော်ကိုပွားရင် သူနေရာနဲ့ သူ ၊သူ အဆင့်နဲ့ သူ အခြေအနေ အချိန် အခါအားလျှော်စွာ အံဝင်ခွင်ကျပြောဆို ဆုံးမတတ်လာပါလိမ့်မယ်၊၊

သတ္တာဒေ၀ါမနု ဿနံ - နတ်လူတို့ဧ၊၊်ဆရာတစ်ဆူဖြစ်တော်မူသောမြတ်စွာဘုရား

နတ်လူသတ္တ၀ါတို့ ကောင်းရာကောင်းကြောင်းနည်းလမ်းကောင်းတွေညွှန်ကြားပြသပေးတဲ့
အတွက် မြတ်စွာဘုရားရှင်ဟာ နတ်လူသတ္တ၀ါ အားလုံး၇ဲ့ အားအကိုးထိုက်ဆုံးဆရာတစ်ဆူဖြစ်တော်မူပါတယ်၊၊ ဒီဂုဏ်၇ဲ့ အစွမ်းသတ္တိကြောင့် အများအကျိုးကိုရှေ့တန်းကနေ ဦးဆောင်သယ်ပိုးနိုင်တဲ့ သူဖြစ်လာပါလိမ့်မယ်၊၊


ဗုဒ္ဓေါ - သစ္စာလေးပါးကို ကိုယ်တိုင်လည်းသိတော်မူ
သူတစ်ပါးတို့လည်းသိအောင်ဟောကြားတော်မူသောမြတ်စွာဘုရား



ဆင်းရဲ အမှန်ဆိုတဲ့ ဒုက္ခသစ္စာ၊ ဆင်းရဲကြောင်းအမှန်ဆိုတဲ့ သမုဒယသစ္စာ၊

ဆင်း၇ဲချုပ်ရာအမှန်ဆိုတဲ့ နိရောဓသစ္စာ၊

ဆင်း၇ဲချုပ်ရာလမ်းကြောင်းအမှန်ဆိုတဲ့မဂ္ဂသစ္စာ၊ သစ္စာလေးပါးကိုမြတ်စွာဘုရားရှင် ဟာ ကိုယ်တိုင်သိရုံမက သူတစ်ပါးကိုလည်းသိအောင်ဟောစွမ်းနိုင်ပါတယ်၊၊

ဒီဂုဏ်တော်ကိုပွားများရင် အမှန်တရားကို သိပြီး အမှန်တရားကို
ဖြန့်ဝေတတ်လာပါလိမ့်မယ်၊၊

ဘဂ၀ါ -
ဘုန်းတော်ခြောက်ပါး နှင့်ပြည့်စုံတော်မူသောမြတ်စွာဘုရား

မိမိစိတ်ကိုရော၊တစ်လောကလုံးပါ အစိုးရတဲ့ ဣဿရိယ ဘုန်းတော်၊ မဂ်ဖိုလ်
နိဗ္ဗာန် တရားနဲ့ ပြည့်စုံတဲ့ ဓမ္မဘုန်းတော် ၊များပြားသောအခြံအရံ
၊ပျံနှံသောအကျော်အစောနဲ့ ပြည့်စုံတဲ့ ယသဘုန်းတော်၊
အတုမရှိသောကျက်သရေတော်နဲ့ ပြည့်စုံတဲ့ သိရီဘုန်းတော်၊

လိုအင်ဆန္ဒ တောင့်တမှုမှန်သမျှပြည့်ဝတဲ့ ကာမဘုန်းတော်၊

အတုမရှိသော လုံလ၀ိရီယနဲ့ ပြည့်စုံတဲ့ ပယတ္တဘုန်းတော်၊

ဘုန်းတော်ခြောက်ပါးနဲ့ မြတ်စွာဘုရားပြည့်စုံတော်မူပါတယ်၊၊

ဒီဂုဏ်တော်ကိုပွားများရင် ကိုယ်ကံ က ကိုယ့်ဥာဏ်နဲ့ ထိုက်တန်တဲ့ဘုန်းတန်ခိုးခြောက်မျိုးပွားတိုးနိုင်ပါတယ်၊၊

တကယ်တော့ ဘယ်ဂုဏ်တော်ကိုပဲပွားများများဘယ်လိုကောင်းကျိုးကိုမဆိုရနိုင်တာချည်းပါပဲ၊၊

ကိုယ့် အနှစ်သက်ဆုံးဂုဏ်တော် တစ်ခုကို သေချာစွဲစွဲမြဲမြဲ ပွားများရုံနဲ့လည်း တခြားဂုဏ်တော်တွေ၇ဲ့ ဓာတ်သတ္တိတွေ ကူးစက်ပြည့်စုံလာနိုင်ပါတယ်၊၊

ဘုရားဂုဏ်တော်တွေ ကို တကယ်ပီပီပြင်ပြင်ပွားရင်စိတ်ဟာ အမြဲကြည်လင်အေးချမ်းနေစေပါတယ်၊၊
အံသြဖွယ် ကုသိုလ်တွေ တိုးပွားလာတာမို့ဂုဏ်တော်ပွားသူတိုင်း ပစ္စုန်ပ္ပန်
မှာရော ၊သံသရာမှာပါ ထူးခြားဆန်းကြယ် အံသြဖွယ်ကောင်းတဲ့ ကောင်းကျိုး ချမ်းသာတွေအလျှံပယ် ရရှိနိုင်ပါတယ်၊၊


ဗုဒ္ဓါုနုဿတိဘာဝနာ ဟာ ဘာဝနာအားလုံး၇ဲ့ ထိပ်ခေါင်တင်အနှိုင်းမဲ့ဘာဝနာဖြစ်ပါတယ်၊၊ လူသားတိုင်းလူသားတိုင်း သီးခြားဘုရားရှင်ရှေ့တော်မှာထိုင်ရင်းနဲ့ပဲဖြစ်စေ၊

သွားရင်းလာရင်း ၊လုပ်ရင်းကိုင်ရင်း ၊ပြောဆိုရင်း ၊စားရင်း စွန့်ရင်း နဲ့ပဲဖြစ်ဖြစ် အမြဲမပြတ် ဗုဒ္ဓါနုဿတိဘာဝနာ ဆိုတဲ့ အနှိုင်းမဲ့ ဘာဝနာ ကိုပွားများအားထုတ် ကုသိုလ်ယူနိုင်ကျပါစေလို့ဆုမွန်ကောင်းတောင်းလိုက်ပါတယ်၊၊

MacRitchie Reservoir sightseeing & 11km walking trip

ခံစားချက် နဲ့ဖြစ်တည်မှု

ချစ်သူ
ငါတွေးနေရက်နဲ့
မင်းငါ့အနားမှာ မရှိပါဘူး

ချစ်သူ
ငါ လွမ်းနေရက်နဲ့
မင်းငါ့ အလွမ်းတွေ မသိနိုင်ဘူး။

သံယောဇဉ်
ဖြစ်တည်မှုမရှိတဲ့
အချစ် ဆိုတာ
မင်းနဲ့ငါ့ အချစ်ပါပဲလား။

ဝေးကွာသွားပေမဲ့
မင်းရှိတဲ့ နေရာ ကို
ငါလွမ်းနေတယ် ဆိုတာကို
မင်းမသိနိုင်ဘူးး ။

ခံစားချက်က်ို
ရင်ဖွင့်ပြလို့
လူတွေ ရယ်ချင်ရယ်မယ်
ဟန်ဆောင်ကာတော့ ငါ ပြုံးရယ်တတ်ဘူး။
ငါ့ ဘ၀ကတော့
ခံစားချက် နဲ့ဖြစ်တည်မှု တစ်ခု။

စက်ရုပ်တွေမဟုတ်တဲ့
လူတွေရဲ့ နှလုံးသားလေ
ရှင်သန်နေတဲ့ ငါ့ ဘ၀ထဲမှာ
မင်းနဲ့ငါ့ အချစ်ဇာတ်လမ်း က
ဓာတ်ပုံဟောင်းတစ်ချပ်လိုပဲ
အရာရာ မှုန်ဝါးသွားခြဲ့ပီ။

ချစ်သူရယ်
မခွဲမခွာ ချစ်ဖို့
ဆုတောင်း ခဲ့တာ ငါ့ အပြစ်တစ်ခုပဲလား။
လွမ်းကျန်ရစ်တဲ့
ငါ့ နှလုံးသားမှာ
ဒဏ်ရာများနဲ့ပါ။

ချစ်သူေ၇
မင်းနဲ့ငါ စတွေ့ကတည်းက
မင်းရဲ့ပုံတူကို
ငါ့နှလုံးသားထဲမှာ ရေးဆွဲခဲ့တာ
ဒီနေ့ ဆိုရင်
တစ်နှစ်ပြည့်ခါနီးပြီ။

ဒီချိန်မှာ
ကဗျာရေးရင်း
အိပ်မောကျနေတဲ့ ကျွန်တော့်နှလုံးသားကို
တစ်ခါ ကလှုပ် နှိုးပေးခဲ့တဲ
ကျနော့်ချစ် သူ ဆီကလာတဲ့
စကားသံချိုချိုကို
ရင်နဲ့အမျှ
မျှော် လင့်နေပါတယ်။

လေးစားလျက်
သဲသဲ

ဘာမဟုတ် ညာမဟုတ် ခံစားချက်လေးတွေကို အားလုံးသော ဘလော့ အကိုအမ များနှင့် လာလည်သော သူငယ်ချင်းမိတ်ဆွေများ ဖတ်ရင်း comment ပေးနိုင်ပါတယ် ။ အဟိ

သူရယ် ကိုယ်ရယ် ချစ်သူရယ်

ရေးသင့်မရေးသင့်
တွေးစနေတဲ့ ကဗျာတစ်ပုဒ်
ထွက်ပေါ်လာတဲ့ နှလုံးသားစကားသံစဉ်တစ်ခုနှင့်အတူ
ဒီစာကိုလွမ်းချင်းအနေနဲ့
နှုတ်ဆက်တယ်ချစ်သူ

ကျနော့်မမဆီ လည်လည်သွားတဲ့
တစ်နေ့ပေါ့
ကျနော်သူနဲ့အတူစီးနေကျ
ဘတ်စ်ကားမှတ်တိုင်
တစ်ခုကို
မှတ်မှတ်ရရ
ဖြတ်ကျော်ခဲ့တယ်

ဒီချိန်မှာ
သိလိုက်ရတယ်
ကျနော့်ဘေးနားမှာ
ချစ်တဲ့ သူမရှိတော့ဘူးရယ်

ကျနော့်မျက်ဝန်းထဲမှာ
ချစ်သူ့ပုံရိပ် ဖော်ကြည့်တော့
ကျနော့်ချစ်သူ စကားသံလေးတွေ
ကြားယောင်လာတယ်။

မင်းမသိတဲ့ ငါ့အချစ်တွေ
ငါ့နှလုံးသားတစ်နေရာမှာ
့အရင်လိုပဲရှိနေတာပါလား။


ဒီတစ်ခါတော့
ကျနော်တစ်ယောက်ထဲပဲပေါ့
မှတ်တိုင်တွေရောက်တိုင်း
သူပြောခဲ့တဲ့
စကားပုံရိပ်တွေကို မြင်ယောင်ကာရယ်
သတိတရ လွမ်းနေတယ်။

မှတ်မှတ်ရရ
အဲဒီတုန်းက သူဘလော့စရေးတယ်
ကွန်မန့်တွေရလို့
သူအပျော်ကြီးပျော်ခဲ့ဖူးရဲ့
အဲဒီအကြောင်းတွေကိုလည်း
ကျနော့်ကို ပြောပြရှာတယ်။

ကျနော့်ရှေ့မှာ ဘလော့အတွက်
ကဗျာတစ်ပုဒ် ရေးမယ်လုပ်တုန်း
ရှက်ပြုံးပြုံး ပြီးပြောရှာတယ်
"အိမ်ကျမှ ကိုယ်ရေးတော့မယ်တဲ့"။

သူ့ရှက်ပြုံးလေးနဲ့အတူ
ကျနော်လည်း ပြုံးလာတယ်။
ခုလည်းပဲ
ဒီကဗျာရေးရင်
သူ့အပြုံးလေးကို
မြင်ယောင်ရင်း ကျွန်တော်လည်း
ပြုံးနေတယ်။

ခံစားရခက်တဲ့
ဝေဒနာတစ်ခုကို
ထမ်းပိုးရင်း
မင်းအပြုံးကို အခါခါမြင်ယောင်လို့
အချိန်တွေ နာရီတွေ နေ့ရက်တွေ
လတွေက
တဖြည်းဖြည်းနဲ့ ကျော်လွန်သွားတယ်။

ကြင်နာတတ်တဲ့
ငါ့ချစ်သူမင်းတစ်ယောက်အပေါ်
လွမ်းဆွတ်တဲ့ စိတ်တွေကို
အချိန်တွေ နာရီတွေ နေ့ရက်တွေနဲ့ အတူ
ကျနော့်ဘ၀မှာ ဖြတ်ကျော်သွားမှာ
မလိုလားပါဘူး
ချစ်သူရယ်

လေးစားလျက်
သဲသဲ

တွေးမိတာလေးတွေ အပိုင်း(၁)

(၁)တစ်ယောက်ထဲနေတာကောင်းလား?
(၂)အများနဲ့နေတာကောင်းလား?
(၃)ကိုယ့်အပေါ်ချစ်ခင်လေးစားတဲ့ သူငယ်ချင်းတွေနဲ့နေတာကောင်းလား?
(၄)ကိုယ့်ဘ၀လက်တွဲဖော် ချစ်သူနဲ့နေတာကောင်းလား?
(၅)ကိုယ့်မိဘဆွေမျိုး အသိုင်းအ၀ိုင်းတွေနဲ့နေတာကောင်းလား?

ကျွန်တော်ကတော့ အဲဒီအပေါ်က ငါးမျိုးထဲက နံပါတ်(၁)ရယ် (၃) ရယ် (၅)ရယ် ကိုပဲရွေးပါတယ်ဗျာ။ ဘလော့ reader တွေတော့ဘာရွေးမယ်တော့ ကျွန်တော်မသိ။

ကျွန်တော့်သဘောကတော့ ၁ ယောက်ထဲနေတာကိုယ်လုပ်စရာရှိတဲ့ ကိစ္စတွေကို ပြီးစီးအောင်လုပ်ဖြစ်တယ်။ မနှောင့်နှေးဘူးလေ။ အထူးသဖြင့် အလုပ်ကိစ္စ၊ အိမ်မှုကိစ္စ(အ၀တ်လျှော်၊ ထမင်းချက်ပြောတာနော်) တစ်မျိုးမထင်နဲ့နော်၊ ပညာရေးလေ့လာမှုကိစ္စ၊ တရားထိုင်ပုတီးစိတ်တဲ့ ကိစ္စတွေအပါအ၀င်ရောပေါ့။ သူများနဲ့ ရောသွားရင် တစ်ယောက်ထဲနေတဲ့ စိတ်ငြိမ်အေးချမ်းမှုမျိုး အလုပ်ဖြစ်မြောက်မှုမျိုးမရှိတော့ဘူး။ တစ်ခါတစ်လေ တစ်ယောက်ထဲလုပ်လို့ မပြီးမြောက်တဲ့အလုပ်တွေက လွဲရင်ပေါ့လေ (softwareေ၇းတဲ့အလုပ်လိုမျိုး)

နံပါတ် ၃ လေးကတော့ ကျွန်တော့်ဘ၀အတွက် မရှိမဖြစ်လိုအပ်ချက်လေ။ ကျွန်တော်လည်းလူသားပဲ အပြစ်အနာအဆာတွေ စိတ်ထိခိုက်မှုတွေ ၊ စိတ်ဆင်းရဲမှုတွေ၊ ၀မ်းနည်းစရာတွေ ၊ ပူပင်သောကတွေ အများကြီးရှိခဲ့ပါတယ်။ အဲဒီလို အခါမျိုးမှာ ကျွန်တော်တို့လိုရေခြားမြေခြားမှာ အလုပ်လာလုပ်နေရတဲ့သူတွေအဖို့ မိတ်ကောင်းဆွေကောင်းဆိုတာ မရှိမဖြစ်လိုအပ်တယ်လေ။

နံပါတ် ၅ ကတော့ ကျွန်တော့်မိဘအရိပ်ကတော့ ကျွန်တော့် ဘ၀အတွက်အလုံခြုံဆုံး အအေးချမ်းဆုံးနေရာပေါ့ ။ ငယ်ငယ်ကဆိုကျွန်တော် ဘယ်နေရာကပဲပြန်ရောက်ရောက် ကျွန်တော့်အမေနဲ့အဖေ ကို အိမ်မှာလိုက်ရှာနေရော။ အမေနဲ့ အဖေကိုတွေ့ရင် မောတာတွေလည်း နည်းနည်းပျောက်သွားသလိုပဲ။ အမေနဲ့ အဖေရဲ့ မေတ္တာကကျွန်တော့်ကို ရောင်ပြန်ဟပ်တာကို။

ဒီလိုနဲ့ နံပါတ်(၂)အချက်ကို ဆက်ဦးမယ်။ အများနဲ့နေတာကို ကျွန်တော်ဘာလို့သိပ်မနှစ်သက်လဲဆိုတဲ့ အကြောင်းက ငယ်ငယ်ကတည်းက ကျွန်တော်ကလူကြောက်တယ်။ ၉ တန်း ၁၀တန်းထိ အပြင်လူတွေနဲ့ သိပ်ရောရောဝင်စကားပြောလေ့ပြောထမရှိဘူး။ ပြီးတော့ ကျွန်တော့်ရဲ့မသိတတ်မှုတစ်ခုက လူတွေနဲ့ စကားပြောတဲ့အခါကြရင် လူတွေရဲ့အလိုက်အထိုက်ကို ကျွန်တော်မသိတတ်ဘူး။ ကိုယ့်ကိုဘယ်လူမျိုးက ဘယ်လိုစကားပြောရင် ဘယ်လိုအဓိပ္ပယ်မျိုးနဲ့ ဘာကိုဆိုလိုပြီးပြောချင်တယ်ဆိုတာ ကျွန်တော် တော်တော်သဘောမပေါက်တဲ့အရာတွေပေါ့ ။ အဲဒါကြောင့်ပဲ တစ်ခါတစ်ရံ ကျွန်တော့်ဆုံးဖြတ်ချက်တွေ လွဲတတ်တယ်။ ကျွန်တော် စေတနာနဲ့ လုပ်ပေးတဲ့ ကိစ္စတွေက အပြောမတတ်တော့ အဝေရာ (ဝေဒနာ) ဖြစ်သွားရော။ ခုလည်းကျွန်တော် လောကကြီးထဲမှာ လူမှုပေါင်းသင်းဆက်ဆံရေးပညာတွေကို သင်ယူဆဲပါ။ ဒါပေမဲ့ ကျွန်တော် အများကြားထဲမှာ လိုက်လျောညီထွေဖြစ်အောင် မနေတတ်သေးတာတော့ အသေအချာပါ။ ကြိုးစားပြီးသင်ယုရပါဦးမယ်။

နံပါတ်(၄)အချက်ကတော့ ဆိုင်းထီးစိုင် သီချင်းထဲက နှလုံးလမ်းကြောင်းမှာ ကျွန်းခံနေတယ်လို့ပဲ ပြောရမလားမသိဘူး။ ကျွန်တော့်တစ်သက်မှာ ကျွန်တော်ကို တကယ်ချစ်တဲ့လူနဲ့ မတွေ့ဘူးဘူးရယ်။ ချစ်ပါတယ်လို့ပြောခဲ့တဲ့လူတွေကလည်း ကျွန်တော့်ကို ကြိုက်သွားကြတာပါဗျာ။ ချစ်သွားကြတာမဟုတ်ပါဘူး။အဲဒီ ကြိုက်တယ့်လူတွေက သူတို့တကယ်ချစ်တဲ့သူ (သို့)ကျွန်တော့်ထက်ပိုပြီးကြိုက်ရမယ့်လူတွေ့ ရင် နောက်တယောက် ကို ပြောင်းသွားတတ်ကြတာလေ။ အဲဒါကြောင့်ကျွန်တော့်ဘ၀မှာ အဲဒီအချစ်ကိစ္စကိုလည်းတော်တြော်ကီးကို လေးလေးနက်နက် မထားချင်တော့ပါဘူး။ အချိန်တန်ရင်တော့ အိမ်ကလည်းသဘောတူ ကျွန်တော်လည်းချစ်မယ်ဆိုရင် စဉ်းစားဖြစ်မယ်လို့ထင်တာပါပဲ။


နောက်တစ်ချက်ကတော့ ရေးမပြဘဲနဲ့ တွေးမိတာလေးပါ။ ကျွန်တော်ကတော့ လူတစ်ယောက်ကို တကယ်ချစ်ဖူးလို့လားမသိဘူး။ တော်တော်လေးလွမ်းလွမ်းဆွေးဆွေးခံစားဖူးတယ်။ အဲဒီတော့ ပြောချင်တာက

လူတစ်ယောက်ကိုချစ်မိပြီဆိုရင်လည်း အရမ်းကြီးစိတ်ထဲမှာပုံစံချမထားနဲ့ပေါ့ဗျာ။ ကိုယ့်စိတ်ထဲမှာ ကိုယ့်ချစ်သူနဲ့ နောက်ဘ၀ခရီးကို အတူလက်တွဲပြီး ဘယ်လိုရှေ့ဆက်မယ်လို့ ပုံစံချပြီးမှ အမျိုးမျိုးသောအကြောင်းအရာ၊ မတိုက်ဆိုင်မှုများ၊ ပတ်ဝန်းကျင်အခြေအနေ ကလက်မခံနိုင်သော အကြောင်းအရာများကြောင့် ချစ်လျက်နဲ့ကွဲသွားကြတဲ့ ချစ်သူတွေလည်းတစ်ပုံကြီးလေ။

စိတ်ထဲမှာ ပုံစံချလိုက်ပြီဆိုတာနဲ့ ပုံစံချတဲ့အတိုင်း မဖြစ်လာကြရင် စိတ်ဆိုးဒေါသထွက်ခြင်း၊ ၀မ်းနည်းပူဆွေးရခြင်း၊ သောကဗျာပါဒ များခြင်းဆိုတာတွေက တသီတတန်းကြီးလိုက်လာတတ်ကြတာ လေ။

နောက်တစ်ခုကတော့ ပြောရင်းနဲ့ နည်းနည်းတောင်ဇာတ်လမ်းရှည်သွားပြီ။

ကျွန်တော်တို့တွေရဲ့ နိုင်ငံခြားကိုအထင်ကြီးတဲ့ရောဂါ။ ကျွန်တော်လည်းငယ်ငယ်တုန်းက ဘာဆိုဘာမှ မသိခင်အချိန်တုန်းက အဲလိုပဲ အထင်ကြီးပါတယ်။ ဒီနိုင်ငံခြားကိုရောက်ရင် ကျွန်တော်တို့ လူနေမှုအဆင့်အတန်းတွေမြင့်လာမယ်။ ကျွန်တော့်မိဘကို ကျွန်တော်ကျေးဇူဆပ်နိုင်မယ်ပေါ့။ တစ်ခါတစ်လေကျရင် အထင်ဆိုတာ အမြင်နဲ့တကယ်ကွာခြားမှုရှိပါတယ်။ ကျွန်တော်တို့ခုဒီစလုံးလို နေရာမျိုးမှာအလုပ်လုပ်ရတယ်ဆိုတာ ကျွန်တော်တို့ကသူတို့အနေနဲ့ ကြည့်ရင် နိုင်ငံခြားသားလေ။ အဲဒီတော့ လူမျိုးရေးခွဲခြားမှုအရမ်းကွာဟမှုရှိပါတယ်။ ဒါတောင် ကျွန်တော်တို့ မြန်မာတွေကိုယ်တိုင်က Technical strong ဖြစ်လွန်းအားကြီးလို့ ဒင်းစလုံးက စလုံးသူ၊ စလုံးသားတွေက နေရာပေးပြီး အလုပ်တွေကိုstress မျိုးစုံနဲ့ကျွန်တော်တို့ ကို ခိုင်းပါတယ်။

ကျွန်တော်ပထမအလုပ်စလုပ်တုန်းက ဆိုရင် server migration project အလုပ်မိုလို့၃ညစလုံးဆက်တိုက် မအိပ်ရပဲ အစားစားပြီးဆက်တိုက်လုပ်ခဲ့ရတယ်။ အဲလိုမှမလုပ်ရင် ဒီကစလုံးတွေရဲ့ တနင်္ဂလာနေ့မနက်ရုံးတက်လို့ ရုံးမှာ email server များမရဘူးဆိုရင် complaint တွေတမျိုးပြီးတစ်မျိုးလာပြီး ဆူညံပွက်လောရိုက်နေမယ့်ဖြစ်ချင်း။ ပြီးရင် ရန်ကုန်ကတစ်ချို့ လူတွေက ဖုန်းဆက်ပြီးမေးတာရှိသေးတယ်။ ဘယ်လောက်ရလဲတဲ့ ။ကျွန်တော်အဲဒီမေးခွန်းမျိုးကို အမုန်းဆုံးပဲ။ သူတို့ကို ကျွန်တော်မပြောပြချင်ဘူး။ တစ်ခါတစ်လေကျရင် သူကကိုယ်ခင်တဲ့လူ ကိုယ်ကမပြောပြရင် ဒါလေးတောင်မပြောပြချင်ဘူးဖြစ်မယ်။
သူတို့ကသိတာက အသားတင်လစာ။

ကျွန်တော်တို့မှာက တလပြီးတစ်လ လကုန်လို့ အိမ်လခ၊ ဖုန်းလခ၊ အင်တာနက်ခ။ ပေးပြီးလို့ အိမ်ကိုပို့မယ့် ပိုက်ဆံလေးကိုသွားလွှဲလိုက်ပြီ ဆိုတာနဲ့ ကျန်တဲ့ပိုက်ဆံလေးနဲ့ တစ်လလုံးလောက်လောက်ငှငှ သုံးရဖို့ကို တော်တော်ကြည့်နေ ကြည့်ထိုင်ရပါတယ်ဗျာ။ကျွန်တော် ဆိုနေမကောင်းတောင် အရမ်းအကြီးအကျယ်မဖြစ်ရဲဘူး။ ဖြစ်လည်း ရန်ကုန်ကကျွန်တော့်မေမေပေးတဲ့ ဆေးကိုသောက်ပြီး ဒီတိုင်း ကျိတ်မှိတ်နေလိုက်တာပါပဲ။ အလိုနေလွန်းအားကြီးလို့ ခုလေ ကျွန်တော်ပုံကလည်းဝခြမ်းပြားနဲ့ နင်လားငါလားပဲ။ ဒါကြောင့်ကျွန်တော်ပြောချင်တာက ဒီနိုင်ငံခြားဆိုတာက ဒီမှာလုပ်တာကြာရင် သူများခိုင်းဖတ်ပဲဖြစ်မှာ။ ကျွန်တော်တို့ ကိုယ်တိုင်ကိုယ်ပိုင်စိးပွားရေးလေးမှ မလုပ်နိုင်ရင် ရရစားစားလခစားသမားလိုပါပဲ။ အဲလိုဖြစ်နေတာ ကျွန်တော်တယောက်တည်းလဲမဟုတ်ပါဘူး ။ စင်ကာပူမှာအလုပ်လာလုပ်နေသူတွေအားလုံးကြုံတွေ့ကြတဲ့ လူမှုဒုက္ခအ၀၀ပါ။

စင်ကာပူမှာနေရတဲ့ ကျွန်တော်တို့တွေ မိဘဆွေမျိုးတွေကြည့်ရှုပြောဆိုခံရတဲ့ မေတ္တာငတ်ပါတယ်။ အလုပ်မအားတော့ ကိုယ်ခင်မင်တဲ့သူငယ်ချင်းတွေတောင်မှ တစ်လတစ်ခေါက်တွေ့ဖို့ဆိုတာ စိတ်ကူးသက်သက်ရယ်ပါ၊
ကျွန်တော့်အရေးအသားများကြောင့် တစ်ဦးတစ်ယောက်သောသူများ စိတ်ဆိုးစိတ်ပျက် စိတ်အနှောင့်အယှက် ဖြစ်မှုများရှိရင် ခွင့်လွှတ်ပါ။

လေးစားလျက်
သဲသဲ

အမှတ်တရ နေ့ရက်လေးများ

ဒီနေ့ က တနင်္ဂနွေနေ့လေ ကျွန်တော်တို့သူငယ်ချင်း တေဇာ လခတိုးတဲ့ အထိန်းအမှတ်အနေနဲ့ ကျွန်တော်တို့ ပင်နီဆူလာပလာဇာမှာ ၀ါးတီးလေးသွားဆွဲကြတယ်။ ကျွန်တောရယ် ၊သဉ္ဖာရယ် ၊ မသင်းသင်းဦးရယ်၊ အကျွေးအမွေး ဒါယာကာရှင် တေဇာရယ်၊ ပြည့်ဖြိုး ရယ် ကျွန်တော်တို့ ငါးယောက် မနက်ဆောဆောစီးစီး ၁၁ နာ၇ီ လောက်မှာ oriental house စားသောက်ဆိုင်မှာ ၀ါးတီးဖွင့်တယ်။

ဒါကျွန်တော်တို့ ရဲ့ ပုံလေးတွေပါ။ ကျွန်တော်တို့ second year တုန်းက ucsy မှာ တခုံတည်းထိုင်ခဲ့တဲ့ သူငယ်ချင်းသုံးကောင် စလုံး(ကျွန်တော် သဲသဲ ၊ ပြည့်ဖြိုး ရယ် ၊ သဉ္ဇာ ရယ်) ဒီမှာ ပဲပြန်ဆုံကြတယ်။ ပြည့်ဖြိုးက စာသမား ပေသမားဆိုတော့ ဒင်းက NUS ကျောင်းမှာ master တက်နေတယ်။ ကျွန်တော်နဲ့ သဉ္ဖာနဲ့ ကဘ၀သမားလေးတွေဆိုတော့ ကြုံရာကျပန်း သဉ္ဇာက net admin လေးလုပ် ၊ ကျွန်တော်က system eng လေးလုပ်ပြီး မပျက်သော server တွေကို ပျက်အောင်လိုက်ဖျက်ရင်း ကိုယ့်ဘ၀ကိုယ်ရုံးနေပါတယ်ဗျာ။ တေဇာကတော့ acad ပညာရှင်။ အကပ်ကောင်း တယ်။ အဟိစတာနော်။


အနီရောင်လေးက ကျွန်တော် သဲသဲ ၊ ကျွန်တော့်ဘေးနားက ပြည့်ဖြိုး ၊ အဖြူရောင်လေးက သဉ္ဖာ ၊ သဉ္ဇာဘေးနားက အလှူ့ရှင်တေဇာ၊ ဒါနဲ့စကားမစပ်ကြော်ငြာဝင်လိုက်မယ် ၊ ကျွန်တော်ကအချောဆုံး နော်သူငယ်ချင်းတွေထဲမှာ ဟုတ်တယ်ဟုတ်။
မဟုတ်လဲ ဟုတ်ရမယ်လေ အဟိ ဒီမှာ ကြည့် နောက်တစ်ပုံ။




အဲဒါပြီးတော့ ကျွန်တော်တို့ လည်းမရပ်သေးပဲနဲ့ Blood: The Last Vampire ကားလေးကို Vivo city အေ၇ာက်သွားပြီး ကြည့်ကြတယ်။ ဟိုတစ်ကောင် ပြည့်ဖြိုးကတော့ သူ့ကောင်မလေးခေါ်လို့ တစ်ချိုးတည်း ပြေးလေရဲ့။ အဲဒီတော့ ကျွန်တော်တို့လေးယောက်ပဲကျန်ခဲ့တယ်။ ဒီမှာ နှိပ်ပြီး trailer လေးကြည့်လို့ရတယ် ဗျာ။ကျွန်တော်တို့ သူငယ်ချင်းတွေကြည့်ခဲ့တဲ့ကားပေါ့။ ရုပ်ရှင် ရုံထဲမှာ တေဇာတစ်ကောင်က လေ တစ်ခြား movie တစ်ကားကို အစမ်းပြနေတုန်း အားလုံးကငြိမ်ပြီးကြည့်နေတဲ့ အချိန်မှာ တေဇာက အတင်းထပြီးကုန်းအော်တယ် အော် အဲဒါကြော်ငြာဝင်တာတဲ့ အဲဒီအသံကကျွန်တောတို့အားလုံး တိတ်သွားတဲ့အချိန်မှာ တေဇာ ကထအော်တော့ အားလုံးက၀ိုင်းပြီးတော့ ဟားလိုက်ကြသေးတယ်။ ဒါကတော့ ကျွန်တော့်ရဲ့ အမပါ။



အဲဒီအမလည်းပဲ NTU မှာ မာစာတာတက်နေပါတယ်။ အမလိုချစ်ရတဲ့ အေးအေးဆေးဆေးနေတတ်ပြီး ခင်ဖို့ကောင်းတဲ့ ကျွန်တော့်ရဲ့ အမေမတူ အဖေကွဲ အမပေါ့ ။
ဒီနောက်ဆုံးက slide လေးကတော့ကျွန်တော်တို့သယ်ရင်းတွေရဲ့ ဓာတ်ပုံတွေပါ။ sunday ကတော့ ပျော်စရာကောင်းတဲ့နေ့လေး ဖြစ်သွားတယ်။ ဒါပေမဲ့ ကျွန်တော်လည်း ဒီတနင်္ဂလာနေ့မှာ ဖျားလို့ရုံးမတက်လိုက်ရဘူးဗျာ။ ဓာတ်ပုံလေးတွေကို ကြည့်ရှုပြီး comment ပေးနိုင်ပါတယ်ရှင်

သဗ္ဗမင်္ဂလာ ဂါထာတော်

အောက်ကစာသားတွေက ဗုဒ္ဓဘာသာကောင်းတစ်ယောက် စာအုပ်ထဲက မူရင်းအတိုင်းကူးယူထားခြင်းပါ။
---------------------------------------------------------------------------------------------------
ဘေးဥပဒ် အန္တရယ် ကင်း၍ကြီးပွားတိုးတက်မှုအသွယ်သွယ်ကို ရရှိခံစားစံစားလိုသူတိုင်း ဤ"ဒိဝါတိပတိ " အစချီသော "သဗ္ဗမင်္ဂလာ" ဂါထာတော်ကို အလေးအနက်ယုံကြည်ချက်ထား၍ နေ့စဉ်အိပ်ရာဝင် အိပ်ရာထချိန်၌ ခံတွင်းသန့်သန့်ဖြင့် အနည်းဆုံး (၉)ခေါက်ရွတ်ဆိုပူဇော်ရန် ဖြစ်ပါသည်။

ချက်ထားပြီးသော ထမင်းဟင်းတို့သည် ဆာလောင်၍ လိုအပ်သောအခါ အလွယ်တကူ စားသုံးနိုင်သကဲ့သို့ မိမိပရိစယ (လေ့လာဆည်းပူး ရွတ်ဖတ်ပူဇော်မှု) ပြုထားသော ဤဂါထာတော်ကို ဈေးရောင်းသောအခါ၊ စာမေးပွဲဖြေသောအခါ စသောလိုအပ်သောအခါတိုင်း၌ ရွတ်ဖတ်ပူဇော်လိုလျှင် အကျိုးထူးတရားကို အလွယ်တကူရယူခံစားနိုင်မည် ဖြစ်ပေသည်။ လိုအင်ရမ္မက် လောဘမထွက်ဘဲ စိတ်လက်ကြည်လင်စွာဖြင့် ရွတ်ဆိုပူဇော်ရန် အထူးအရေးကြီးပါသည်။ (အနက်အဓိပ္ပာယ်သိပြီးက ပါဠိသက်သက် ကိုသာရွတ်ဆိုနိုင်ပါသည်။)

သဗ္ဗမင်္ဂလာ ဂါထာတော်

ဒိဝါ တပတိ အာဒိစ္စော ၊ ရတ္တိမာ ဘာတိ စန္ဒိမာ။
သန္နဒေါ ခတ္တိယော တပတိ၊ ဈာယီ တပတိ ဗြာဟ္မဏော။
အထ သဗ္ဗမဟောရတ္တိံ ၊ ဗုဒ္ဓေါ တပတိ တေဇသာ။

အာဒိစ္စော ၊ ရောင်ခြည်တစ်ထောင် အလင်းဆောင်သည့် ထွန်းပြောင်ပ၀င်း ရှင်နေမင်းသည်။ ဒိဝါ ၊ နေ့အခါ၌။ တပတိ ၊ လောကအလယ် ဂုဏ်မြင့်ကြွယ်၍ တင့်တယ်ပါပေ၏၊

စန္ဒိမာ၊ စန်းငွေယုန်ခသော်တာလသည်၊ ရတ္တိံ ၊ ည်ဉ့်အခါ၌။ အာဘာတိ၊ နှစ်သက်စဖွယ် တင့်တယ်ပေ၏။

သန္နဒေါ ၊ ချပ်ဝတ်တန်ဆာ ကိုယ်မှာစုံလင် ဆင်ယင်ထားသော။ ခတ္တိယော၊ လူတို့သနင်း ပြည့်ရှင်မင်းသည်။ တပတိ၊ ကြီးမြင့်ခံ့ထယ် တင့်တယ်ပေ၏။

ဈာယီ ၊ ဘက်စုံကောင်းမြတ် သမာပတ်ကို မပြတ်ထင်ရှား ၀င်စားလျက်ရှိသော။ ဗြာဟ္မဏော၊ ကိလေသာကို အပပြုပြီးသော အာသဝေါကင်းကွာ ရဟန္တာ ပုဂ္ဂိုလ်သည်။ တပတိ၊ ဈာန်မဂ်နှစ်သွယ် စွယ်စုံခြယ်၍ တင့်တယ်ပေ၏။

အထ၊ ထိုမှကြူး၍ ထူးသည်မှာကား။ ဗုဒ္ဓေါ၊ သစ္စာလေးဆင့် ခိုင်လုံးရင့်ကား ပွင့်လာခေါင်ဖျား အောင်တော်မူမြတ်စွာဘုရားသည်။ သဗ္ဗံ၊ အလုံးစုံသော။ အဟောရတ္တိံ ၊ နေ့ညဉ့်ကာလပတ်လုံး။ တေဇသာ၊ ကြီးကဲစိုးရ တန်ခိုးတော် အနန္တ ဖြင့်။ တပတိ၊ လောကအယလယ်၌ တင့်တယ်တော်မူပါပေသတည်း။
----------------------------------------------------------------------------------------------
ဒီပို့စ်လေးကို ရေးသားရင်းနဲ့ ရွာမှာရှိတဲ့ ကျွန်တော့်ဖေဖေနဲ့ မေမေ စိတ်ချမ်းသာကိုယ်ကျန်းမာပါစေလို့ ဆုတောင်းလိုက်ပါတယ် ၊ အိမ်မှာဘုရားစာရွတ်ရင်အသံထွက်လေးဠာန်ကရိုဏ်းကျကျရွတ်တတ်တဲ့ ကျွန်တော့်ဖေဖေကို အိမ်နီးချင်းတွေက ကျွန်တော်တို့ အိမ် အလှူလုပ်လို့ ဘုန်းကြီကြွပြီးတရားစာရွတ်တယ်လို့ ထင်ရလောက်အောင် အသံကောင်းတဲ့ ဖေဖေ့ ကို ကျွန်တော်သတိရလို့ ဒီနေ့ ပို့စ်အသစ်အနေနဲ့ တင်လိုက်တယ်။

ကျွန်တော် မနေ့က ကျွန်တော့်ဖေဖေနဲ့ ဖုန်းပြောရတယ်။ pfingo ရဲ့ကောင်းမှုကြောင့် ဖေဖေနဲ့ ဖုန်းပြောရတာ အဆင်ပြေနေတယ်။ သားအဖနှစ်ယောက် မတွေ့တာကြာလို့ စကားတွေဖောင်ဖွဲ့လိုက်တာ ၄၅ မိနစ်လောက်ကြာသွားတယ်။ ဒါနဲ့ ဒီနေ့ကျတော့ ဖေဖေ့ကို ကျွန်တော်သတိရနေလေရဲ့ အဲဒါနဲ့ ငယ်ငယ်တုန်းက ဖေဖေသင်ပေးခဲ့တဲ့ သဗ္ဗမင်္ဂလာ ဂါထာတော် ကိုရေးသားပူဇော်ခြင်းဖြစ်ပါတယ်။ အဝေးရောက်ဖေဖေနဲ့ မေမေ အစစအရာရာ အဆင်ပြေပါစေ။

လေးစားလျှက်
သဲသဲ

အမှတ်တရချစ်သူသို့ ပေးစာ

ပြဒါးတလမ်း သံတလမ်းလား
မင်းနဲ့ငါစုံစည်းမှုက
အသွားတလမ်း အပြန်တလမ်းပါ
ချစ်သူ။

မျက်နှာချင်းဆိုင်ဆုံရင်ဖြင့်
မင်းမျက်နှာမူယာရယ်ကို
ငါလှမ်းကာတစ်ချက်ကြည့်ခဲ့
ရှောင်ဖယ်သွားတဲ့ မင်းရဲ့အပြုံးနုနုအောက်မှာ
ငါ့မာနကို စတေးတတ်ခဲ့တယ်
ချစ်သူ။

မင်းသူငယ်ချင်းတွေ
မေးကြရင်ဖြင့်
ရှောင်ဖယ်ကာ မင်းပစ်သွားလို့
ငါတစ်ယောက် ဆွေးနေတယ်လို့
အရိပ်ယောင်မျှ မထင်လေအောင်
ဟန်ဆောင်ပြုံးခဲ့
မင်းမသိတတ်ခဲ့ပါ ငါ့အပြုံးကို
ချစ်သူ။


ဒီညလည်း တစ်ယောက်ထဲ
ဒီနေ့လည်း တစ်ယောက်ထဲပါပဲ
တစ်နှစ်ကုန်လို့
တစ်နှစ်ကူးလည်း
ငါတစ်ယောက်ထဲပါပဲ
ချစ်သူ။

အလွမ်းဆိုတာ ခံရခက်တဲ့ဝေဒနာလို့
အဖြေရှာ မတွေးပဲ
မင်းကော ငါကောသိနေတဲ့အချိ်န်မှာပဲ
အမှတ်တမဲ့ ဆုံဖြစ်ခဲ့တဲ့ တရက်ကို
ရာသီတွေပြောင်း အချိန်တွေဟောင်းလည်း
ငါအမြဲသတိရနေမှာပါ
ချစ်သူ၊

မျှော်လင့်ချက်တို့ အလင်းမဲ့
ချစ်ခြင်းတွေ ကင်းခဲ့တဲ့
ငါ့ရဲ့နှလုံးသားတစ်စုံကတော့
ဝေဒနာဟောင်းကို သယ်ပိုး
မင်းရဲ့ ဟိုးအဝေးဆီသို့ပေါ့ …. ချစ်သူ။

လေးစားလျှက်
သဲသဲ

Birthday Present for Saya

ဆရာရေ June လ ၁ ရက်နေ့ ဆရာ့မွေးနေ့မှာတပည့်မွေးနေ့လက်ဆောင်အဖြစ်ပေးစရာဆိုလို့ထူးထူးခြားခြား အဖိုးတန်လက်ဆောင် ကြီးမရှိပါဘူးဒီတော့ တပည့်စဉ်းစားလို့ရသမျှ ဆရာ့ကိုပေးချင်တဲ့လက်ဆောင်တွေကို ဘလော့ထဲကပဲ ပို့လိုက်မယ်နော်။
ဆရာ့အတွက် အမှတ်တရ ဓာတ်ပုံတစ်ပုံရယ်ပါ။ Gmail server တွေထဲမှာ ၂ နှစ်လောက်သိမ်းထားတဲ့ ရှားရှားပါးပါးပုံနော်။






ဒီလိုနဲ့ ဆရာ့အကြောင်းကို ကြော်ငြာဝင်လိုက်ဦးမယ်။ ဆရာနဲ့ ကျွန်တော်နဲ့ စခင်တာကဒီလို။ ကျွန်တော် ၁၀တန်းစာမေးပွဲဖြေမယ့်နှစ်မှာ ထုံးဘိုမှာတာဝန်ကျတဲ့ဖေဖေ့အလုပ်ကနေပြီး သရာက်တောမြို့လေးကို ဖေဖေအလုပ်တာဝန်ပြောင်းရွှေ့ခံရတယ်။ အဲဒါနဲ့ ကျွန်တော်က ၁၀တန်းစာမေးပွဲဖြေဖို့ ၆လလောက်ပဲလိုတော့တယ်။ ကျွန်တော်ကဟိုမယောက်ဒီမယောက်ဖြစ်ကော။ အဲဒါနဲ့ပဲနောက်ဆုံးတော့ ကျွန်တော့် အမနဲ့အတူတူ ပြည်ကဘော်ဒါဆောင်မှာပဲနေပြီး ပြည်အထက(၅)ကျောင်းလေးမှာပဲ ကျွန်တော်၁၀တန်းကိုပြောင်းတက်ရတယ်။ အဲဒီတုန်းကကျွန်တော့်အမက ပြည်နည်းပညာကောလိပ် ဒုတိယနှစ်ကျောင်းသူလေ။
အဲဒီမှာကျွန်တော့်မေမေနဲ့ မမက ကျွန်တော့်ကိုစာသင်ဖို့ ဘာသာစုံ သင်ပေးဖို့ ဆရာတစ်ယောက်နဲ့ english စာသင်ပေးဖို့ ဆရာတစ်ယောက်ကျွန်တော့်အတွက်အမေက ခေါ်ပေးတယ်။ အဲဒီဆရာနှစ်ယောက်စလုံးက ပြည်နည်းပညာတက္ကသိုလ်ကပဲ။ အပေါ်ကရုပ်ချောချောနဲ့ ဓာတ်ပုံထဲကဆ၇ာကတော့ ကျွန်တော့်ကို English စာသင်တာလေ။ ကျွန်တော့်ဘလော့မှာ အမှတ်တရရေးပေးတဲ့ မွေးနေ့ပိုင်ရှင်ပေါ့။ အိမ်နံမည်က ဖိုးဇင်လို့ခေါ်တယ်။ကျောင်းနာမည်က သန့်ဇင်မျိုးတဲ့။ အဟိ ဆ၇ာ့အကြောင်းကို ဖော်လက်စနဲ့ဆက်ဖော်လိုက်ဦးမယ်။ အသက် ၃၀ နှစ်ပြည့်လူပျိုကြီးတစ်ယောက်ပါ။ ကျွန်တော့်ဆရာက ပြည်နည်းပညာတက္ကသိုလ်က B.E(Civil) နဲ့ကျောင်းပြီးပြီး Nanyan Technological University မှာလည်း master ဘွဲ့ကို Environmental Engineering ဘာသာရပ်နဲ့ ယူထားတာပါ။ ရုပ်ချောသဘောကောင်းလေးပါ။ စိတ်ဝင်စားရင် zinmyo2005@gmail.com ကိုလ်ိပ်မူပြီး ဆက်သွယ်နိုင်ပါတယ်။ (စတာနော် ဆရာကပိုင်ရှင်ကြီးနဲ့ )

ငယ်ဘ၀ကခင်မင်မိသောဆရာတစ်ယောက်

ဆရာရေငယ်ဘ၀အချိုးအကွေ့မှာ ဆရာ့ကို မေတ္တာရိပ်မြုံလို့ဆိုတဲ့အဆောင်မှာစတွေ့ခဲ့တယ်။ အဲဒီနေ့က ကျွန်တော့်ကို English စာလာသင်တဲ့ ဆရာဆိုလို့ လှမ်းကြည့်လိုက်တော့ လူကပိန်သေးသေး ၊အရပ်ကမရှည်တရှည်၊ PTU ကျောင်းကပြန်လာတဲ့ အင်္ကျီလေးနဲ့ ကျွန်တော့်ကို စာလာသင်တယ်။ လက်မှာလည်း ကြည့်လိုက်ရင် လက်စွပ်ကအပြည့်နဲ့ ။ စစတွေ့ချင်း စကားအင်မတန်နည်းသောဆရာနဲ့ စကားကိုဆီလိုအပေါက်ရှာပြောတတ် သောကျွန်တော်နဲ့ စတွေ့တာပဲ။
တရက်တော့မှတ်မိသေးတယ်။ အဲဒီနေ့က မြန်မာ့ရုပ်မြင်သံကြားမှာ အကယ်ဒမီပေးပွဲလာတယ်လေ။ ၁၀ တန်းတနှစ်လုံး အွန်စောဂျွန်စောကို သူများတွေပြောလို့ ကြားဖူးရုံသာကြားဖူးပြီး တစ်ခါမှ မကြည့်ဘူးတော့။ သူငယ်ချင်းတွေကြားမှာ ပြောစရာ topic လေးရချင်တော့ ၊ ဆရာရယ် "သမီးကို အကယ်ဒမီပေးပွဲ လေးတော့ကြည့်ပါရစေ နော် "လို့ပြောတာတောင်မှ ကျွန်တော့်ဆရာက အဲဒါနင်နဲ့ ဘာဆိုင်လို့လဲ ။ ကိုယ့်စာကိုယ်ကျက် ။ နင်အဲဒါကို သွားကြည့်ရင် ငါစာမသင်ဘူး။ အဆောင်ကိုပြန်တော့မယ်လို့ လုပ်တော့ ။ ပြန်လာရင် အမေအဆူခံ၇မယ်မှန်းသိတော့ စာမလုပ်ချင်သောကျွန်တော်တစ်ယောက် အဲဒီနေ့ကလိမ်ဖယ် လ်ိမ်ဖယ်နဲ့ ကျွန်တော်မရသော စာတွေကို အသားကုန်စွတ်မေးပြီး ဆရာ့ကို ခေါင်းစားလိုက်တယ်။ တော်တော် ဆိုးတဲ့ ကျွန်တော်နော်။

ဝါးတီးများ

ဆရာရေ အဲလိုနဲ့ပဲ ကျွန်တော် ၁၀တန်းအောင်လာခဲ့တယ်။ ၁၀တန်းအောင်တော့ ဂုဏ်ထူးထွက်လို့ဆိုပြီး ကျွန်တော်ဆုလာယူတဲ့နေ့က ကျွန်တော့်တို့ညီအမနှစ်ယောက်နဲ့ ဆရာနဲ့ only one ဆိုင်မှာ ထမင်းသွားစားကြတယ်။

ကျွန်တော့်ဆရာ ပြည်ပသို့ထွက်ခွာခြင်း

အဲလိုနဲ့ကျွန်တော် ၁၀တန်းအောင်တော့ ကျွန်တော်က ရန်ကုန်ကွန်ပျူတာတက္ကသိုလ်မှာတက် ၊ ဆရာကလည်း ရန်ကုန်က construction ကုမ္ပဏီ တစ်ခုမှာ လနည်းနည်းဝင်လုပ်သေးတယ်။ ရန်ကုန်မှာပြန်ဆုံတော့လဲ ဆရာ့ပဲ ကျွန်တော့်ကို အင်တာနက်သုံးနည်းသင်ပေး၊ အားရင် ဆရာမုန့်ကျွေးတာလိုက်စားနဲ့ ။ နောက်သိပ်မကြာလိုက်ဘူး အဲဒီနေ့က ဆရာကြေးအိုးလိုက်ကျွေးရင်းနဲ့ NTU ကြောင်းအရွေးခံရကြောင်းပြောပြတော့ ။ ကျွန်တော် ၀မ်းသာသလိုလို ၀မ်းနည်းသလိုလိုနဲ့ ။ ကောင်းပါတယ် ဆရာလို့ပဲပြောခဲ့တယ်။

နောက်နှစ်လသုံးလကြာတော့ ဆရာမွေးနေ့မိုလို့ ကျွန်တော် နဲ့ဆ၇ာတွေ့ဖြစ်ကြသေးတယ်။ အဲဒီနောက်ပိုင်း ဆရာနိုင်ငံခြားသွားခါနီး ဆရာအိမ်က အလှူ ကိုဝါးတီးသွားဖွင့်ပြီး လေယာဉ်ကွင်းသွားတော့ ကျွန်တော် လိုက်ပို့ဖြစ်တယ်။

အမှတ်တရမြင်ကွင်းလေးတစ်ခု

အဲဒီနိုင်ငံခြားထွက်တဲ့နေ့ကလေ ဟင်္သာတက ဆရာရဲ့ တစ်မျိုးလုံး တစ်ဆွေလုံးက ဆရာ့ကိုလိုက်ပို့တာ တပည့်မှတ်မိနေသေးတယ်လေ။ လေယာဉ်ဆိပ်အဟောင်းလေးတောင် တော်တော်သနားဖို့ကောင်းသွားတယ်။ ပြည့်ကျပ်နေရော။ အဲဒီတုန်းက departure တွေအတွက်က မြန်မာလေဆိပ် အဆောက်အဦး အသစ် ကို မသုံးသေးပဲ။ Arrival အတွက်ပဲ လေဆိပ်အသစ်အဆောက်အဦးကို သုံးကြတာလေ။
အဲဒီနေ့က ထူးထူးခြားခြား လေယာဉ်ဆိပ်အထဲကိုမ၀င်ခင် ၅ မိနစ်မှာ ဆရာကြမ်းပြင်မှာ ဒူးလေးတုပ် ထိုင်ပြီးတော့ ဆရာကိုယ်တိုင် ဆရာ့အမတွေကို လက်အုပ်ချီကန်တော့ခဲ့တယ်။ အဲဒီတော့ ဆရာ့အမဘေးနားမှာ ထိုင်နေတဲ့ ကျွန်တော်က ချက်ချင်းမတ်တက်ထရပ်လိုက်ရတာပေါ့ဗျာ။ဆရာက မနက်အိပ်ရထတာ နောက်ကျတော့ လေဆိပ်ကို လောလော လောလောနဲ့ ထွက်လာရတာ။အဲဒါနဲ့ သူ့အမတွေကို သူမကန်တော့ခဲ့ရဘူးလေ။ ပြောရရင် ဆရာ့မှာ အဖေတစ်ယောက်ပဲ၇ှိတော့တယ်။ ငယ်ငယ်ကတည်းက ဆရာက ဆရာ့အမတွေလက်ထဲမှာပဲ ကြီးရတာ။ သူ့အမတွေက သူ့အမေတွေပဲလို့ ဆရာကျွန်တော့်ကို ပြောဖူးတယ်။
အဲဒီဆရာ့အမူအရာကို ကြည့်ရင်းနဲ့ ကျွန်တော်ကိုယ့်ဘာကိုယ် ပြန်တွေးလိုက်မိတယ် ဆရာရေ

ဆရာရဲ့ စိတ်ရှည်သီးခံတတ်တဲ့ အမူအရာကို ကြည့်ရင်း ကျွန်တော် ဘယ်သူ့ကိုမှ စိတ်မရှည်မှန်း ကိုယ့်ကိုကိုယ် နားလည်သွားတယ်။

ဆရာရဲ့ တိုးတိုးနဲ့ညင်ညင်သာသာ ပြောတဲ့ဆရာ့လေသံကိုနားထောင်ပြီး ကျွန်တော်စကားပြောတဲ့ အသံကျယ်မှန်း ရိပ်မိလာတယ်။

ကျေးဇူးသိတတ်တဲ့ ဆရာ ကိုကြည့်ပြီး ငယ်ငယ်ကတည်းက အမကို နှုတ်ခမ်းတလန် ပန်းတလန်နဲ့ ပြန်ပြန်ပြောတတ်တဲ့ ကျွန်တော့်အဖြစ်ကို ကျွန်တော်မြင်ယောင်လာတယ် ဆရာ။

သတိရခြင်းများဖြင့်

အင်း အဲလိုနဲ့ ဆရာနိုင်ငံခြားသွားတော့ ကျွန်တော်လည်းရန်ကုန်မှာ တစ်ယောက်တည်းပျင်းကျန်ခဲ့ တာ။ ကျွန်တော်တို့ ucsy ကျောင်းပေါ်က နေလေယာဉ်တွေဖြတ်သွားတဲ့ အသံကို ကြားတိုင်း ဆရာ့ကို သတိရမိပါတယ်။ နောက်တော့ ကျွန်တော်နဲ့ ဆရာနဲ့ ၂ နှစ်လောက်အဆက်အသွယ် ပြတ်သွားတယ်။ ၁ နှစ်ကို သုံးခါလောက် အဆောင်ပြောင်းနေရသော ကျွန်တော့်မှာလည်း မယ်မယ်ရရလိပ်စာရယ်လို့ ပေးစရာမရှိဘူး။

ပြန်ဆုံခြင်း

ကျွန်တော် တတိယနှစ်မှာ internet ပြန်သုံးဖြစ်တယ် ဆရာ။ ဆရာ့ email ကိုမသိတော့တာနဲ့ ဆရာ့အကို အိမ်ကို ဖုန်းဆက်မေးတော့ ဆရာ email address ကျွန်တော်ရခဲ့တယ်။ ကျွန်တော်လည်း မသုံးတတ် သုံးတတ်နဲ့ invite လုပ်လိုက်တာ ဆ၇ာနဲ့အဆက်အသွယ်ပြန်ရတယ်လေ။
ဆရာက ကျွန်တော့်ကို ဒီအတိုင်းအပြစ်တင်ပါလေရော
"ငါပို့တဲ့စာတွေကို နင်ကဘာလို့အကြောင်းမပြန်တာလဲ ? ၊ အင်းစိန်ကို ပို့တာ စာ၂ စောင်လောက်ရှိပြီ mail လဲလုံးဝမစစ်ဘူးနော် ၊ နင် bf တွေရနေပြီလား ? ဒီကို လာမယ့်နင့်အစီအစဉ်ကကော ဘယ်လိုလဲ ? theinge English စာကောင်းအောင်လုပ်ရမယ်တဲ့ ၊ communication မကောင်းရင် နင်ဘယ်လောက်တတ် တတ် ဒီမှာအလကားပဲ သုံးလို့မရဘူး ။ နင့်အမကောဘာတွေလုပ်နေလဲ "

ဆရာစိတ်ဆိုးဆိုးနဲ့ ပို့လိုက်တဲ့ ပထမဆုံး mail ကိုရတော့ ကျွန်တော် လည်းစိတ်ထဲကနေ ပြန်ပြောလိုက်မိတယ်။
"ဆရာရယ် အဲဒီအင်းစိန်အိမ်ကလေ သမီးနေရတာ အဆင်မပြေလို့ သူတို့နဲ့စကားများပြီး နောက်လှည်တန်းအဆောင်ကို ပြောင်းလာတာလေ၊ သမီးဆရာ့ဆီက စာတစ်စောင်တလေမှ အင်းစိန်အိမ်ကနေ ပြန်မရခဲ့ပါဘူး ၊ mail ကတော့ မြန်မာပြည်ရဲ့ မီးအခြေအနေနဲ့ အင်တာနက်အခြေအနေကို ကြည့်ရင် နားလည်နိုင်ပါတယ် ဆရာ၊ သမီးလည်း မနက်ဆို first year & second year မှာ ucsy တက်ညကျတော့လည်း ကျူရှင်တက်နဲ့ အားကို မအားရတာပါ ဆရာရယ်။ ဆရာ့ကို အမြဲသတိရပါတယ်။ " လို့ပေါ့

ဆရာ့ဓာတ်ပုံအမှတ်တရ

ဒါနဲ့ online ကိုမှန်မှန်ကျွန်တော်ရောက်ဖြစ်လာတယ။် နောက်ဆုံးနှစ်ဆိုတော့ ကျွန်တော်ကျောင်းမှာ စိတ်ဓာတ်တွေကျနေတယ်။ ကျောင်းပြီးရင် ငါဘာလုပ်မလဲဆိုပြီး ကိုယ့်ဘာသာကိုယ် တွေးလေ ကိုယ့်ကျောင်းကို ကိုယ်စိတ်ပြတ်လေ။ ကျောင်းပြေးလေပဲ။ Online ကိုတော့ မှန်မှန်တက်ဖြစ်လာတယ။် အားရင် American library မှာ English စာလုပ်ဖြစ်တယ်။ ဘုန်းကြီးကျောင်းသွားပြီး English speaking တက်တယ်။ ကျောင်းက စာတွေကို တော်တော်ပစ်ထားခဲ့တယ်၊ ကြည့်ကို မကြည့်တာ။ ကျူရှင်တော့မှန်မှန်တက်ဖြစ်တယ်လေ။ နောက်ဆုံးနှစ်ဆိုတော့ ပဲကလည်းနည်းနည်းများလာတာပေါ့။
ကျွန်တော် online ရောက်ရင် ဆရာရိုက်ထားတဲ့ဓာတ်ပုံတွေအမြဲတောင်းကြည့်တယ်။ အပေါ်က ဆရာ့ဓာတ်ပုံက ကျွန်တော် third year တုန်းကဆရာ့ဆီကတောင်းထားတာလေ။ အဲဒါနဲ့ပဲ ဒီဘလော့နဲ့အတူ ဆရာ့ကို ရီစရာတစ်ခုပြောပြမယ်။ ကျွန်တော်တို့ second year တုန်းကကျွန်တော်သူငယ်ချင်း ပြည့်ဖြိူးရယ် ၊ ကျွန်တော်ရယ် ။ စာကလေးရယ် ၊ စာဂျပိုးရယ် သူငယ်ချင်းလေးယောက် အတူတူထိုင်ဖြစ်တယ်။ ပထမနှစ်ရဲ့ နောက်ဆုံးတန်းကနေပြီး လက်ရွေးစင်အဖြစ် ဒုတိယနှစ်မှာ ချောတောငေါ့ပြီးတော့ A တန်းကိုရောက်လာတဲ့ သူတွေပေါ့ ။ third year ကျတော့ ကျွန်တော်တို့ သူငယ်ချင်းလေးယောက်ကွဲသွားတယ်။ ပြည့်ဖြိုးနဲ့ စာဂျပိုးက roll မြင့်သွားတယ်။ ကျွန်တော်နဲ့ စာကလေးက ဒုံ၇င်းဒုံ၇င်း ။ third year ကျတော့ ခုံနေရာတွေလည်း အဆင်ပြေတာနဲ့ သူငယ်ချင်းတွေတစ်စု အရင်လိုအတူတူမထိုင်ဖြစ်တော့ဘူး။ အဲဒီမှာ ဇာတ်လမ်းကစတာပဲ ။ ကျွန်တော့်ကို second year က A တန်းကသယ်ရင်းတွေက လာလာမေးတယ်။ ဘာလို့ ကိုပြည့်ဖြိုးနဲမထိုင်တာလဲ တဲ့ ။ အဲဒါနဲ့ ငါတို့ သူငယ်ချင်းတွေက ကိုယ် ဓာတ်ကျတဲ့နေရာမှာ ကိုယ်ထိုင်တာပါပဲ ။ ဘာဖြစ်လို့လဲလို့ ကျွန်တော် ကမေးတော့ ။ ကျွန်တော့် သူငယ်ချင်းက "အော် မသိပါဘူးဗျာ။ ကိုပြည့်ဖြိုးနဲ့ ကျွန်တော့်ကို ထင်နေတာလို့ပြောခဲ့တယ်။ "။ ကျွန်တော်စိတ်တိုသွားတယ် ။ ဟာဗျာ ဘုန်းကြီးအမှုရွာပတ်ပဲ။ ကျွန်တော်တို့ ထိုင်တဲ့ သူငယ်ချင်းလေးကောင်က နယ်ကလေ။ ကျွန်တော်က ပြည်က။ ပြည့်ဖြိုးက မုဒုံက ၊ ဂျပ်ိုးက ရေးက သူတို့ ကမွန်မျိုးတွေလေ။ စာကလေးကကျောင်းနဲ့ နည်းတဲ့ ရန်ကုန်တောက ။ သယ်ရင်း ၄ ကောင်စလုံးက ပွင့်ပွင့်လင်းလင်းရှိတယ် ။အစအနောက်လဲသန်ကြတယ်လေ။ ဒါနဲ့ ထားပါတော့ အဲဒါနဲ့ ကျွန်တော်လည်း အမြင်ကတ်ကတ်နဲ့ပေါ့ဗျာ။ ငါ့အဲလောက်တော့ ပြောချင်အုံးဆိုပြီး ။ Gmail ထဲကဆရာ့ပုံတွေကို print သွားထုတ်ပြီးတော့ ကျွန်တော့်  wallet ထဲထည့်ထားလိုက်တယ်။ ဆရာရေ ခွင့်လွှတ်နော်။ အဲဒီထဲက အဲဒီရန်အေးသွားတာပဲ ပျော်လိုက်တာ ။ ဆရာကတော့ မသိရှာဘူး၊ အဟိ။

အလည်ပြန်ခြင်းတစ်ခေါက်

ဆရာရေ ဒီလိုနဲ့ ကျွန်တော်online တက်လာတဲ့ တနေ့ ဆရာကကျွန်တော့်ကို chat ထဲကလှမ်းပြောတယ်။ ဒီ project စာတမ်းလေးပြီးရင် အလည်ပြန်လာမယ်တဲ့။ ကျွန်တော်တော်တော်ပျော်သွားတယ်။ ဒါပေမဲ့ ဆရာ Project ကို နှစ်ခါပြန်လုပ်လိုက်ရသလိုပဲ။ အဲဒီတုန်းက ဆရာပြောတဲ့အချိန်ထက်နောက်ကျပြီးမှ ဆရာရန်ကုန်ကိုပြန်ရောက်လာတယ်။
ဆရာမပြန်လာခင်တရက် ဆရာ့အကိုရယ် ဆရာရယ် ဆီကနေ ကျွန်တော် ဖုန်းရတယ်။ ဆရာ့အကို က ကျွန်တော့်ကို အလှူလာဖို့ဖိတ်တယ်။ တပည့်က လည်းအဲလို ၀ါးတီးမျှော်နေတာဆိုတော့ အတော်ပဲဖြစ်သွားတယ်။ ဆရာက ဖုန်းဆက်တော့ theinge "နင်ဘာလိုချင်လဲတဲ့ ၊ ငါပြန်လာမယ် တဲ့ "။ အဲဒါနဲ့ ကျွန်တော်လည်း ဆရာသာအေးအေးဆေးဆေးပြန်လာခဲ့ပါဆရာရယ် သမီးဒီမှာ ဘာမှမလိုပါဘူး ။ အဲဒါနဲ့ "ဆရာပြန်လာမယ့် အချိန်ကို ပြောအုံးလေ၊ သမီးလာကြိုပေးမယ်လို့ " ဆရာ့ ကို ကျွန်တော်ပြောခဲ့တယ်။ အဲဒီတော့ ဆရာက "အေးပါ။ နင်လာမကြိုပါနဲ့ ။ အိမ်ကလူတွေသူ့ဘာသာသူ လာကြိုလိမ့်မယ်တဲ့ " ။ အဲဒါနဲ့ ဟုတ်ပါပြီ။ ဒါဆိုလည်း ပြီးတာပါပဲဆရာ၇ယ်လို့ ပြန်ပြောလိုက်တယ်။

နောက်တော့လည်း ဆရာတကယ်ရောက်လာတဲ့နေ့ က မနေနိုင်ပါဘူး။ဆရာ့ကို ကျွန်တော်သွားကြိုခဲ့တယ်။ ဘောင်းဘီ ပွပွအရှည်ကြီးဝတ်ပြီးပြန်လာတဲ့ဆရာကို မြင်တော့ မျက်စိထဲမှာ ကန့်လန့်ဖြစ်သွားတယ်။ ဆရာရယ် အဲဒီတုန်းက သမီးစိတ်ထဲက နေဆရာ့ကို "ဆရာရယ် လူကပိန်ပိန် ၀တ်လာတာက ဘောင်းဘီက ပွပွကြီး အသားကညိုညို ဆံပင်ကလည်း ထောင်ထားသေးတယ်နော် ကြည့်ရဆိုးလိုက်တာဗျာ။ "
နောက်နေ့ကြတော့ ဆရာ့အလှူကို ဧည့်သည်ကြီးလုပ်ပြီး တစ်ယောက်ထဲသွားစားတယ်။ နောက်နေ့ကျတော့ ဆရာ့တူလေးအတွက် Poly ကျောင်းကို မြို့ထဲမှာ ကျွန်တော်တို့ သွားစုံစမ်းကြတယ်။ အဲဒီနေ့ကမှ ရီရတာဗျာ။ ကျွှန်တော်က skirt လေးဝတ်လို့ ၊ စလုံးကခုမှပြန်လာတဲ့ ဆရာက ပုဆိုးလေးနဲ့လေ ပြီးတော့ ၇န်ကုန်က ၄၅ဘတ်စကားထဲမှာ ဆရာချွေးစီးတွေကျပြီး ဒုက္ခတွေရောက်နေတာဆရာရယ်။ နေ့တိုင်းစီးနေတဲ့ ကျွန်တော့်အဖို့တော့ ဘာမှမထူးဆန်းနေပေမဲ့ ။ဆရာကိုကြည့်ပြီး ကျွန်တော်တော်တော်ရီချင်လာတယ်။ မနည်းထိန်းထားလိုက်ပြီး "ဟုတ်ပဆရာရယ် ဒီမှာ ရာသီဥတုကတအားပုတယ် လို့ပဲပြောလိုက်ရတယ်။ "
အဲဒီဆရာ့အလှူနေ့ကကျွန်တော်မှတ်မိသေးတယ်။ ဆ၇ာ့အလှူကအပြန် ဆရာကျွန်တော့်ကို လမ်းမပေါ်ကိုလိုက်ပို့တော့ "ဆရာရယ် ကျွန်တော်စလုံးမှာ အလုပ်လုပ်ပြီး ကျောင်းတက်ချင်တယ် လို့ ပြောတော့" ကျွန်တော်ကောင်းကောင်းအဆူခံရတယ်ဗျာ။ ကျွန်တော်စိတ်ထဲမှာ နည်းနည်းတောင်အားငယ်သွားတယ်။ နောက်မှ စလုံးရောက်မှ အလုပ်လုပ်ရင်းကျောင်းတစ်ဖက် နဲ့မိဘကလည်း သိပ်မတတ်နိုင်တဲ့ ကျောင်းသားလေးတွေကိုတွေ့တော့ third year တုန်းက ဆရာဆူတာတွေကို သတိရလာတယ်။ ဆ၇ာ့စေတနာတွေကို ကျွန်တော်နားလည်သွားတယ်ဆရာ

အမှန်တကယ်ကကျွန်တောရေးတာတွေနည်းနည်းများသွားပြီ အမှန်တကယ်က ဆရာ့မွေးနေ့မိုလို့ ဆရာ့ကို သတိတရနဲ့ ဒီပို့စ်ကိုတင်ဖြစ်တာပါ။ ငယ်ငယ်တုန်းကဆိုဆရာကကျွန်တော်တို့ကို အရမ်းလိုလိုက်ပါတယ်။ ကျွန်တော်ကိုယ်တိုင်ကကျွန်တော့်ဆရာ ဆိုပြီးတအားနှိပ်စက်တယ်။ ကျွန်တော် ၁၀ တန်းတုန်းကဆို ဆရာကကျွန်တော့်ဘေးမှာညတိုင်း အနည်းဆုံး၂နာရီမှ ၃နာရီခွဲ ၄ နာရီလောက်စာကူလုပ်ပေးရတယ်။ ကျွန်တော့်ဆရာက စာသင်တဲ့နေရာမှာ တော်တော်စိတ်ရှည်တယ်။ သည်းလည်းသည်းခံတယ်။ တပည့်အပေါ်လည်းစေတနာထားသင်တယ်။ ကျွန်တော့်လို ငတုံး၊ ငဂျီကိုလည်း စိတ်ရှည်လက်ရှည်ဆရာစာသင်နိုင်တယ်။ တော်ရုံတန်ရုံဒေါသမထွက်လွယ်ဘူး။ အမှန်ပြောရရင် ဒီနေ့ထိကျွန်တော့်ဆရာဒေါသအရမ်းထွက်တာမမြင်ဘူးဘူး။ ကျောင်းပြီးတော့လည်းကျောင်းပြီးတဲ့အလျောက် ဆရာလည်းအနားမနေရဘူး။ ကျွန်တော်ရန်ကုန်မှာ ကျောင်းလာတက်တတည်းက ဘယ်ကိစ္စကတော့ဖြင့် ဘယ်လိုအဆင်မပြေဘူးဆရာ၊ သမီးအကူအညီလိုနေလို့ဆိုပြီး ကျွန်တော်မလုပ်တတ်တဲ့ မလုပ်နိုင်တဲ့ကိစ္စတွေ ဆရာ့ကိုနားပူနာဆာအမြဲတမ်းလုပ်ပြီးပြောလေ့၇ှိတယ်။

ဆရာကအမှန်အတိုင်းပြောရရင် ကျွန်တော့်အကိုလိုပဲ တစ်ခါတစ်ခါ အိမ်မှာကျွန်တော်တို့ညီမတွေရန်ဖြစ်ရင်တောင်မှ သူကကျွန်တော်ဘက်ကတော့ မပါပါဘူး။ ကျွန်တော့်အမေနဲ့ အမဘက်ကနေပြီးလိုက်ပြောပေးတတ်တယ်။ ကျွန်တော်ရယ် ဆရာရယ် ကျွှန်တော့်အမရယ်က ၄ နှစ်ကြီး၎နှစ်ငယ်တွေရယ်။ ကျွန်တော်က အငယ်ဆုံးနဲ့ အချောဆုံး အသက်က ၂၂နှစ် ၊ ကျွန်တော့်အမက ၂၆ နှစ်၊ ဆရာက အသက် ၃၀နှစ်။ ကျွန်တော်တို့ဒီစင်ကာပူကို စပြီးလာမယ်ဆိုတော့လည်းဆရာပဲ အစစအရာရာ ကူညီခဲ့တာပါ။ အလုပ်လျှောက်ဖို့လိုတာတွေတော်တော်များများ ဆရာ့ဆီကအကူအညီယူခဲ့တယ်။ တစ်ခြားကျွန်တော့် ဘ၀မှာအခက်အခဲပြသာနာတွေတွေ့တိုင်း ဆရာနဲ့ပဲကျွန်တော်ပြောဖြစ်ခဲ့တယ်။

စင်ကာပူနှင့်ကျွန်တော်

ကျွန်တော်ဒီကိုပထမအလုပ်စရှာတော့ ကျွန်တော့််အမနဲ့ ကျွန်တော်နှစ်ယောက်ထဲလာခဲ့တာပါ။ ကျွန်တော့်အမက ပထမတစ်လထဲနဲ့ တင်အလုပ်ရတယ်။ ကျွန်တော်ကပထမတစ်လမှာတင် အလုပ်မရဘူး။ အဲဒါနဲ့ တင်မကသေးဘူး extension တိုးတာလည်း reject ထိတယ်ဗျာ။ အဲဒါနဲ့ကျွန်တော်လည်း တအားစိတ်ဓာတ်ကျနေတာ။ ဘာလုပ်လို့ ဘာကိုင်ရမှန်းမသိဘူး။ အဲဒီအချိန်မှာ အသိတစ်ယောက်ကပြောလို့ PR card နဲ့ သွားတိုးရင် ရတယ်လို့ပြောတာနဲ့ ကျွန်တော်လည်းကျွန်တော့်ဆရာ PR card ကိုယူပြီးသွားတာပေါ့ ။ ဟိုကျတော့ ICA ကမေးတယ် ဘာတော်လဲတဲ့ ။ ကျွန်တော်ကဘာပြောရမှန်းမသိဘူး။ ဘေးနားက အဲဒီ ICA မှာပဲစီနေတဲ့ မြန်မာအကိုကြီးတစ်ယောက်က ပြောပေးတယ် အဲဒါသူ့ bf တဲ့။ အဲဒီတော့ ICA staffကပြန် ပြောတယ် အလို bf ဆိုရင် လာတိုးလို့မရဘူးတဲ့။
ကျွန်တော်လည်းအဲဒီနေ့ကအဲဒီနေ့က အလိုပြောလိုက်တာ ငိုချင်နေတဲ့ ကျွန်တော်တောင်တော်တော်ရယ်ချင်သွားတယ်။ အဲဒါနဲ့ဆ၇ာ့ကို အဲဒီ PR card ပြန်ပေးပြီးတော့ Peninsula ကိုပြန်သွားကြတယ်။ Peninsula ရောက်တော့ ICA မှာတွေ့ခဲ့တဲ့ အမနှစ်ယောက်နဲ့ အဲဒီအကိုတစ်ယောက်က မလေးသွားပြီးစတေးရှောင်ပြီး ပြန်ဝင်လာမယ်လို့လုပ်ကြတယ်။ ကျွှန်တော်လည်း ပြန်တာထက်စာရင် ခန စတေးရှောင်ပြီးပြန်ဝင်လာရင်ကောင်းမလားလို့ စဉ်းစားမိတယ်။ အဲဒီ ICA သွားတဲ့မနက်မှာပဲ interview လာဖို့ခေါ်တဲ့ဖုန်းကရထားတယ်လေ။ အဲဒီတော့စိတ်ကဘယ်လို စဉ်းစားလဲဆိုတော့ အိမ်ပြန်ရင်တော့လည်း ပိုက်ဆံတအားကုန်မယ်ပေါ့လေ။ မလေးမှာ၁ပတ်လောက်သွားစတေးးေ၇ှာင်ပြီး ပြန်လာလို့၇ရင်လဲ ကောင်းမယ်ပေါ့လေ။ အမှန်တကယ်က ကျွန်တော်တွေးအား တအားမှားတယ်။ အဲဒီအချိန်မှာ ကျွန်တော်သွားမယ်ဆိုတော့အမက ရန်ကုန်ကိုပဲပြန်ပါလို့ပြောတယ်။ ကျွန်တော်ကျွန်တော့်အမပြောတာကိုနားမထောင်ခဲ့ဘူး။ အဲဒါနဲ့ ကျွန်တော့်အမက ပြောလို့မရတဲ့အဆုံး ဆရာ့ကို ဖုန်းဆက်ပြီးခေါ်တယ်။ ဆရာလဲရုံးဆင်းတာနဲ့ ချက်ချင်းရောက်လာပါလေရော။ သွားချင်နေတဲ့ကျွန်တော်လဲ ငိုကြီးချက်မနဲ့ပြောတာပေါ့နော်။ အဲတုန်းက ဆရာကျွန်တော့်ကို ချောက်ပြီးတစ်မျိုး ချော့ပြီးတစ်မျိုးအမျိုးမျိုး ကျွှန်တော့်ကိုပြောတယ်။ နောက်ဆုံးပြောမရတဲ့အဆုံး "နင့်အမ စင်ကာပူကိုပြန်လာဖို့မခေါ်ရင် ငါပြန်လာခေါ်မယ်သိလား theinge" ဆိုပြီးဆရာက ကျွန်တော့်ကို စိတ်မရှည်တဲ့အသံ ရယ်။ စိတ်ပူနေတဲ့အသံတွေရယ်။ ကျွန်တော့်အမ နဲ့ ကျွန်တော့်လေးလေးက မသွားပါနဲ့လို့ ပြောတဲ့အသံတွေရယ်။ နဲ့နောက်ဆုံးကျွန်တော် မလေးကို စတေးမရှောင်ဖြစ် ခဲ့ပါဘူ။ ဘာပဲဖြစ်ဖြစ် အဲဒီနေ့ကဆရာအပြောကောင်းလို့ ကျွန်တော် မသွားဖြစ်တာပါ။ နောက်တော့ ဆရာနဲ့မကြီးကို ကြိတ်ပြီးစိတ်ထဲကကျေးဇူးတင်နေတယ်။
ကျွန်တော်အလုပ်ရတော့ မလေးကို သုံးရက်သွားအလုပ်လုပ်ရပါလေရော။ ဘေးနားမှာ ကျွန်တော်တို့ရုံးးက senior engineer ယောက်ျားရင့်မာကြီးတစ်ယောက်လုံးပါတာတောင်မှ မလေးမှာ သွားရလာရတာ အရမ်းသတိထားရတယ်။ မလေးမှာတုန်းက ကျွန်တော်တို့ရုံးက engineer တွေလည်း project လုပ်ပြီး boss မလာမချင်း ကျွန်တော်တို့ အပြင်မထွက်ရဘူးလေ။လုံခြုံရေးစိတ်မချရလို့။ ကျွန်တော့်ဘ၀မှာ သံယောဇဉ်အရှိဆုံးက ဖေဖေ ၊ မေမေ ၊ မကြီး ပြီးရင် ဆရာပဲထင်တယ်။
အရာရာတိုင်းအတွက် ကျေးဇူးတင်ပါတယ်ဆရာ။ ကျွန်တော်အမှားတစ်ခုလုပ်တိုင်းဘေးနားက ပြသာနာတစ်ခုချင်းဆီကို အသေးစိတ် လိုက်ဖြေရှင်းပေးတဲ့ ဆရာရဲ့ idea တွေကို ကျွန်တော့်ဘ၀မှာ အမြဲလိုအပ်နေဆဲပါဆရာ။

လေးစားလျှက်
သဲသဲ

မေတ္တသုတ်မြန်မာပြန်

ဒီနေ့ ကျွန်တော် ဘလော့ မှာ ဘာ ရေးရင်ကောင်မလဲ လို့ စဉ်းစားလိုက်တာ ကိုယ့်အကြောင်းကိုယ် ဖော်တာလဲ နည်းနည်းများနေတော့ အဟိ .. စာဖတ်သူအကျိုးရှိမယ့် အကြောင်းအရာလေးတစ်ခုရေးမယ်လို့ စိတ်ကူးထဲပေါ်လာတာနဲ့ မေတ္တသုတ် ကိုအနက်အဓိပ္ပာယ်လေးကို ကျွန်တော်ရေးလိုက်ပါတယ် ။ ဗုဒ္ဓဘာသာကောင်းတစ်ယောက် စာအုပ်ထဲကမူရင်းအတိုင်း ကူးယူထားခြင်းဖြစ်ပါတယ်။

မေတ္တသုတ်ရွတ်ဖတ်ရခြင်းအကျိုး

ချမ်းချမ်းသာသာ အိပ်ရနိုးရစေသည် ၊ အိမ်မက်ဆိုးများမမက်အောင် ကာကွယ်နိုင်သည်၊ မျက်နှာကြည်လင်ု၍ လူချစ်လူခင်များ လိမ့်မည်၊ အိပ်ခါနီးဆဲဆဲမှာ ရွတ်ပြီးအိပ်လျှင် ညအခါ ဘီလူးစီးခြင်း ၊ ယောင်ယမ်း၍ ထပြေးခြင်း၊ အိပ်နေရင်း အသံနက်ကြီးဖြင့် အော်ခြင်း ၊ အိပ်ရာနားရှိ တွေ့ကရာပစ္စည်းတို ဖြင့် ယောင်ယမ်း၍ ပစ်ပေါက်ခြင်းစသည် တို့ကင်းသည် ။ ထိုသို့ဖြစ်တတ်သူများသည် အထူးတလည် မေတ္တသုတ်ကိ ရွတ်သင့်ပေသည်။

မေတ္တသုတ်မြန်မာပြန်

၁။ မေတ္တသုတ်၏ အကျိုးအာနုဘော်ကြောင့် ဘီလူး၊ဘုမ္မစိုးနတ်တို့သည် ကြောက်မက်ဖွယ်ကောင်းသော ရုပ်အဆင်း ကုိုဖန်ဆင်း၍လူတိ်ု့အား မပြ၀ံ့ကြကုန်။ မေတ္တသုတ်တော်ကို ညဉ့် အခါ၌လည်ကောင်း နေ့အခါ၌လည်ကောင်း မပျင်းမရိရွတ်ဖတ်လေ့ ရှိသောသူသည်

၂။ အိပ်သောအခါ ချမ်းသာစွာအိပ်ရလေ၏။ အိပ်ပျော်နေစဉ်၌လည်း အိမ်မက်ဆိုးကို မမြင်မက်နုိုင် ဤသို့သော ကျေးဇူးဂုဏ်နှင့် ပြည့်စုံသည့် မေတ္တသုတ် ပရိတ်တော်ကုို ကွနု်ပ်တို့ စုပေါင်းရွတ်ဆုိုကြပါကုန်စို့။

၃။ အကျိုးစီးပွား၌လိမ္မာသော သူသည် ငြိမ်သက်စွာသော နိဗ္ဗာန်သို့ ညဏ်ဖြင့် သက်ဝင်ခြင်းကိုပြုရာသည်။ ပြုနိုင်စွမ်းရှိသူလည်းဖြစ်ရာသည်။ ဖြောင့်မတ်ရာ၏ ၊ ကောင်းစွာဖြောင့်မတ်ရာ၏ ၊ ကောင်းစွာ ဖြောင့်မတ်ရာ၏ ၊ ပညာရှိတို့ ဆိုလွယ်ဆုံးမလွယ်သူလည်း ဖြစ်ရာ၏ ၊ နူးညံ့သိမ်မွေ့ရာ၏ ၊ မာန်မာနမထားရာ။

၎။ ရောင့်ရဲလွယ်ရာ၏ ၊ သူတစ်ပါးတို့က ပြုစုလွယ်မွေးမြူလွယ်သူမျိုးဖြစ်ရာ၏ ၊ ကိစ္စနည်းစေရာ၏ ၊ အသက်မွေးမှုပေါ့ပါးခြင်းရှိရာ၏ ၊ မျက်စိစသောဣနြေ္ဒတည်ငြိမ်မှုရှိရာ၏၊ ရင့်ကျက်သောပညာရှိရာ၏ ၊ အမူအရာမကြမ်းတမ်းစေရာ၊ ဒါယကာများ ဆွေမျိုးများ ၌သံယောဇဉ် ငြိတွယ်လွန်းခြင်းမဖြစ်စေရာ ။

၅။ ပညာရှိတို့ ကဲ့ရဲ့ဖွယ်ဖြစ်သော မကောင်းမှုတစ်စုံတစ်ခုကို အနည်းငယ်မျှပင် မပြုမကျင့်ရာ၊ သတ္တ၀ါခပ်သိမ်းချမ်းသာကြပါစေ၊ ဘေးမရှိပါစေနှင့် ၊ ကိုယ်၏ချမ်းသာခြင်းစိတ်၏ချမ်းသာခြင်း နှင့်ပြည့်စုံကြပါစေ။

၆။ အသက်ရှုရှိုက်သောသတ္တ၀ါအားလုံး၊ ထိတ်လန့်လွယ်သော သတ္တ၀ါအားလုံး၊ တည်ကြည်သော သတ္တ၀ါအားလုံး ၊ ကိုယ်ခန္ဓာရှည်သော သတ္တ၀ါအားလုံး၊ ကြီးသောသတ္တ၀ါအားလုံး၊ မတိုမရှည် မကြီးမငယ် အလယ်အလတ်ဖြစ်သော သတ္တ၀ါ၊ ပုသော တိုသောသတ္တ၀ါ၊ ပိန်သော ကြုံသော သတ္တ၀ါ ၊ ဆူသော ဖြိုးသောသတ္တ၀ါ၊

၇။ မျက်စိဖြင့် မြင်နိုင်သော သတ္တ၀ါ၊ မျက်စိဖြင့် မမြင်နိုင်သော သတ္တ၀ါ ၊ အဝေးမှာရှိသော သတ္တ၀ါ၊ မနီးမဝေးမှာရှိသော သတ္တ၀ါ ၊ ဖြစ်ပြီးသော သတ္တ၀ါ ၊ နောင်ဖြစ်လတ္တံ့သောသတ္တ၀ါ ၊ ဆိုခဲ့ပါ သတ္တ၀ါအားလုံးသည် ကိုယ်စိတ်နှစ်ဖြာ ချမ်းသာကြပါစေကုန်သတည်း။

၈။ တစ်ယောက်နှင့်တစ်ယောက် အမျက်ဒေါသမထွက်ရာ၊ အလုပ်ကိစ္စတစ်ခုခုနှင့်စပ်လျဉ်း၍ တစ်ယောက်ယောက်ကို ချူပ်ချယ်သော စကားမပြောရာ၊ မုန်းတီးသော စိတ်ဖြင့် အမှတ်မထားရာ ၊ အနည်းငယ်မျှ မထီမဲ့မြင် မထင်ကောင်း၊ အချင်းချင်း တစ်ယောက်နှင့်တစ်ယောက် ဆင်းရဲဒုက္ခ ကို အလိုမရှိသင့်ပေ။

၉။ အမိသည် မိမိဝမ်း၌လွယ်၍ မွေးရသော တစ်ဦးတည်းသော သားကို အသက်လောက် ချစ်မြတ်နိုး၍ အစဉ်မပြတ် စောင့်ရှောက်သည့်နည်းတူ သတ္တ၀ါ အားလုံးတို့ အပေါ်၌ အတိုင်းမသိ ကြီးမားသော မေတ္တာစိတ်ကို ပွားများရာ၏။

၁၀။ အထက်အောက်ဘေးဘီအရပ်မျက်နှာအားလုံး အကျဉ်းအမြောင်းမရှိ၊ အတွင်းရန်အပြင်ရန်မရှိ၊ အတိုင်းမသိမြတ်နိုးတတ်သော မေတ္တာစိတ်ကို ပွားများစေရာ၏။

၁၁။ အိပ်ငိုက်သောအခါမှတစ်ပါး မတ်တတ်ရပ်နေစဉ်ဖြစ်စေ၊ လမ်းလျှေက်သွားနေစဉ်ဖြစ်စေ ၊ ထိုင်နေစဉ်ဖြစ်စေ ၊ လဲလျောင်းနေစဉ်ဖြစ်စေ ၊ အမြဲမပြတ်သတိချပ်လျက် မေတ္တာပို့နေရာ၏။ ယင်းသို့ မေတ္တာစိတ်နှင့် အမြဲမပြတ်နေခြင်းထိုင်ခြင်းကို "မြတ်သောနေခြင်း" ဟူ၍ ဤဂေါတမဘုရား သာသနာတော်၌ ဆိုကြလေပြီ။

၁၂။ မှားသောအယူဝါဒကို လက်မခံဘဲ ကိုယ်ကျင့်သီလရှိစေရာ၏။ မဂ်ညဏ် အမြင်နှင့်ပြည့်စုံစေရာ၏။ ကိလေသာအာရုံ ကာမဂုဏ်တို့၌ တပ်နှစ်သက်ခြင်းကို ပယ်ဖျောက်ရာ၏။ ဤသို့သော လူမျိုးသည် မိခင်ဝမ်း၌ တဖန် ပဋိသန္ဓေမနေရတော့ပေ၊ ၀ဋ်ဘ၀ချုပ်ငြိမ်း၍ န်ိဗ္ဗာန်ချမ်းသာသို့ ရောက်ပေလတ္တံ့။

မှတ်ချက်၊ ကျွန်တော့် အသိတစ်ယောက်ပြောတာ တော့ ကျွန်တော်လည်း ကြားဖူးတယ်။ မေတ္တသုတ်ကို အနက်အဓိပ္ပာယ်သိသိ နဲ့ တစ်နေ့ ကို ၈ ခေါက်ရွတ်ရင် မိမိလိုချင်တဲ့ စိတ်အလိုဆန္ဒပြည့်ပြီး လူချစ်လူခင်များပြီး အကျိုးထူးတယ် တဲ့။

ကြော်ငြာဝင်တာနော်။ စင်ကာပူမှာ အလုပ်လာလျှောက်တဲ့ အကို အမ တွေအကုန်လုံးနဲ့
အလုပ်ရပြီးသော PR လျှောက်နေသော အကိုအမတွေအားလုံး ဒီမေတ္တသုတ်ကို အနက်အဓိပ္ပာယ်သိသိ ရွတ်ကြရင်းဖြင့် အစစအရာရာလုပ်ငန်းဆောင်တာ ကိစ္စအ၀၀ အဆင်ပြေကြပါစေလို့  ဆုတောင်းရင်း........

လေးစားလျှက်
သဲသဲ

စိတ်ခံစားချက်

ဒီပို့စ်လေးကို ကျွန်တော်ရေးလိုက်တာ စိတ်ထဲကခံစားချက်ပါ။

ကျွန်တော့်ဘ၀မှာ ထူးထူးခြားခြားကျွန်တော်သီလလုံတာဆိုလို့ ငါးပါးသီလမှာ သုရာမေရိယဆိုတာ ပဲ၇ှိတယ် ရယ် ။ ကာမေသုနဲ့ အဒိန်နာဒါနာ ကတော့ မိန်းကလေးမိုလို့ ပြောစရာလိုမည်မထင်၊ အဲဒါကြောင့် ကျွန်တော်ထူးထူးခြားခြားကြီး သစ္စာဆိုမနေပါဘူး ။ ကျွန်တော် တစ်ခုပဲသစ္စာဆိုမိပါတယ်။ "တပည့်တော် ဒီစင်ကာပူ ရောက်ကတည်းက သုရာမေရိယဆိုတဲ့ ကံကိုကာယကံမှုအားဖြင့် ကျူးလွန်ခြင်းမရှိပါဘုရား ၊ ပြီးတော့ တပည့်တော်မရဲ့ မိဘများကို တပည့်တော် စိတ်ချမ်းချမ်းသာသာနဲ့ ပြည့်ပြည်စုံစုံထားချင်ပါတယ် ဘုရား " ဒီမှန်ကန်သောသစ္စာစကားကြောင့် တပည့်တော် .........ဖြစ်ရပါစေ လို့ ကျွန်တော် ဆုတောင်းခဲ့ပါတယ် ။ ဘာဖြစ်လို့လဲဆိုတော့ မနောကံအားဖြင့် ကျွန်တော် မလုံခဲ့ပါဘူး။ ကျွန်တော် အသည်းကွဲပြီး စိတ်ဓာတ်တွေ တအားကျနေတဲ့ အချိန်တုန်းက စိတ်ထဲမှာ အရက်သောက်ပြီး ခနဖြစ်ဖြစ် သူ့ကို မေ့လို့ရရင် မေ့လိုက်ချင်သလိုလို ဖြစ်ခဲ့ပါတယ်။ ဒါပေမဲ့ ကျွန်တော်စိတ်သာရှိခဲ့တာပါ။ ကျွှန်တော် အဲလိုမလုပ်ဖြစ်ခဲ့ပါဘူး။

ကျွန်တော် စင်ကာပူရောက်ကတည်းက ဘီယာကိုတစ်ခါမှမသောက်ဖူးဘူး။ ရန်ကုန်မှာဆိုရင်တော့ ကျွန်တော်မကြားဘူးတဲ့ အရာတွေထဲကတစ်ခုပေါ့ ။ ငယ်ငယ်တုန်းက တော့ ကျွန်တော့် ဦးလေတွေထားတဲ့ ဘီယာဘူးကိုေ၇ဗူးနဲ့မှားပြီး သောက်ဖူးပါတယ်။ အဲဒီကတည်းက တော်တော် စိတ်ပျက်မိတယ်။ အ၀င်ကလည်းဆိုး ၀င်သွားပြီးရင်လည်း ခေါင်းမကြည်မလင်နဲ့ လေကျွန်တော်ပြောချင်တာက ဒီအကြောင်း .........................

ဒီနေ့ ကျွန်တော်တို့ ရုံးက ယူကေက ဆော့ဝဲလ်ရောင်းတဲ့ partner တွေလာလို့ မန်ဒရင်းနား အော်ရီးယန်တယ် ဟိုတယ် မှာ အစည်းအဝေး လုပ်တယ် ။ ကျွန်တော်တို့ တရုံးလုံးသွားရတယ်။ ညစာစားပွဲလည်း ရှိတယ်ပေါ့ဗျာ။ ညစာစားပွဲက မာလိုင်းယွန်းနားမှာလေ ၊ အဲဒီမှာပဲ ကျွန်တော့်တို့ ရုံးက လူတွေကသောက်ကြတယ်။ ကျွန်တော်ကို လဲ ဘီယာတိုက် တယ်။ ကျွန်တော်က လူမှုရေးအရမ်းနားလည်တဲ့လူမဟုတ်ဘူး။ ပြီးတော့ ကျွန်တော် သစ္စာဆိုထားတာလည်းရှိတယ် ။ ပြီးတော့ ကျွန်တော်ကိုယ်တိုင်က အဲလိုဘီယာသောက်တာ မကြိုက်ဘူး ။ ၀ါသနာလဲမပါဘူးဗျာ။ အတင်းငြင်းတယ် ။ ကျွန်တော့်ကို သူတို့က ၀ိုင်တိုက်ပြန်ရော ၊ အဲဒီအခါလည်းကျွန်တော်ငြင်းပြန်တယ်။ အဲဒီတော့ သူတို့ ကပြောတယ်။ တော်တော်လေးအလိုက် မသိတတ်ဘူးတဲ့ ။ ကြီးပြင်းအောင်လုပ်အုံးတဲ့ ၊ အင်းပြောရရင် ကိုယ့်နိုင်ငံမဟုတ်လို့ပါ။ ကျွန်တော့်ကို အလိုကြီးပြောတာတော့ ကြိုက်ဘူးဗျာ။ ကျွန်တော်အေးအေးဆေးဆေးပဲနေတတ်တာ ၊ ကျွန်တော်ပဲမှားနေတာလား ? အဖေရေ လူတွေက ကြီးလေ လေ လူမှုရေးတွေများလာလေ ။ဘ၀ ကြီးကရှုပ်လာလေလေပဲ အဖေ ၊ သမီးတော့ ဘာလုပ်ရမယ်မှန်းမသိဘူး။ ဒါပေမဲ့ သမီး ဘယ်ဘီယာ ၀ိုင်တောင်မှ မသောက်ခဲ့ပါဘူး ၊ အဖေပြောတဲ့ လိပ်သောတပန်လေလေး ၊ အဟိ ကျွန်တော်ရဲ့ လိပ်သောတပန် မည်တဲ့ အကြောင်းကိုပြောဦးမယ် ။ ကျွန်တော် ကဘုရားစာအုပ်ကိုဖတ်ပြီး စှူဠသောတပန်ဖြစ်ချင်တယ်လို့ ပြောခဲ့တဲ့နေ့ကလေ အဖေကပြောတယ်ကျွန်တော့်ကို "ငါ့သမီးရယ် ဖေ့ဖေ့သမီးက လိပ်သောတပန်လေးတော့ မလုပ်ပါနဲ့ကွယ် လို့" ဖေဖေကပြောတယ် ။ အဟိ စှူဠဆိုတာက မြန်မာလိုပြန်ရင် လိပ်ကို စှူဠသောတပန်ဆိုတော့ လိပ်သောတပန်ပေါ့ ၊


အဲဒါနဲ့ မပြီးသေးပြန်ဘူး။ ကာရာအိုကေ သွားဆိုကြမယ်ဆိုပြီး ကာရာအိုကေဆိုင်ရောက်သွားပြန်ရော အားလုံးက စလုံးတွေရယ် အဖြူတွေရယ် ကျွန်တော်ရုံးက အမရယ် ကျွန်တော်ရယ်ပဲ၇ှိတယ်။ ဟိုရောက်တော့ ကျွန်တော်ကြောက်လိုက်တာ ၊ ရင်တွေတောင်တုန်သွားတယ်။ နိုင်ငံခြားကားထဲက ဘိလက်ယက်ခုန်နဲ့ ကာရာအိုကေ ဆိုတဲ့ အခန်းနဲ့ တခန်းထဲတွဲလျက်ပါ။ အားလုံးကတော့ ဘီယာတွေကိုယ်စီသောက်ပြီး သူ့အရှိန်နဲ့သူ။ ကျွန်တော်အဲဒီအခန်းထဲကို စ၀င်တုန်းက တအားငိုချင်သွားတယ်။ တော်သေးလို့ ကျွန်တော်ဘေးနားက ကျွန်တော့်ရုံးကအမပါလို့ ၊ မဟုတ်ရင်ကျွန်တော်ငိုမိမလားပဲ၊ ကျွန်တော် အဲလိုနေရာတွေ တခါမှမသွားဘူးဘူးဗျာ ။ ရန်ကုန်မှာဆို စတိတ်ရှိုးတောင်တစ်ခါမှ မကြည့်ဘူးဘူး။ ကျွန်တော် အပိုတွေပြောနေတာမဟုတ်ပါဘူး။ ကျွန်တော့်ရင်မှာ ခံစားလိုက်ရတာကို ကျွန်တော်ချရေးတာပါ။ အဲဒီထဲကလူတွေကလည်း ကျွန်တော်တို့ရုံးကလူတွေရယ် ၊ ယူကေက အရောင်းမန်နေဂျာတွေနဲ့ တက်ကနည်းကယ် သမားတွေချည်းပါပဲ ။ ဒါပေမဲ့ ကျွန်တော်ရင်ထဲမှာ မအေးချမ်းပါ့ဘူးဗျာ။ အရှေ့မှာ ချထားတဲ့ ရေတခွက်ကို သောက်ရင်းပဲ အားမနာနိုင်တော့ဘူး။ သူတို့ဆိုတဲ့ ကာရာအိုကေသံတွေကို မကြားချင်တာရယ် ကျွန်တော် တကယ်အိမ်ပြန်ချင်လာတာနဲ့ သူဠေး ကိုခွင့်တောင်းပြီး ရောက်ပြီး ၁၀ မိနစ်အကြာပဲ ကျွန်တော့်ရုံးက အမနဲ့ ကျွန်တော်နြဲ့ပန်လာ ခဲ့တယ်။ အိမ်ပြန်ရောက်တော့ပဲ ၁၂ နာရီထိုးခါနီးပြီ။ သူတို့ ကတော့ ဆက်လက်ပြီး ဆိုနေကြတုန်းပေါ့ ။ culture မတူရင်တောင် လူတွေက ဆက်ဆံရတာတအားခက်တယ်။ လွတ်လွတ်လပ်လပ် နေတဲ့ သူတို့ထုံးစံတွေက ဗမာတွေနဲ့ဆန့်ကျင်ဘက်ပေါ့။ ကျွန်တော်ဗမာပြည်မှာ လူဖြစ်ပြီးမွေးရတာကို ခုမှပျော်သွားတယ်။ ဗမာ တွေမှာအေးချမ်းတဲ့ life လေးရှိတယ်ဗျာ။ အနောက်နိုင်ငံသားတွေက အဲလိုမဟုတ်ဘူး။
စူညံအော်ဟစ်ပြီး ကိုယ်လုပ်ချင်တာလုပ်နေရမှ ပျော်တယ်လို့ထင်တာလေ။ ကျွန်တော်မွေးခဲ့တဲ့ နိုင်ငံနဲ့ ဘာသာတရားကောင်းကျိုးကို ဒီနိုင်ငံကလူတွေရဲ့ အပေါ်ယံပျော်ရွှင်မှုတွေကို ကြည့်ပြီးပိုပို နှိုင်းယှဉ်သိလာတယ်။ ဒါနဲ့ပဲ အဖေ့ကို သတိရလို့ ကဗျာတစ်ပုဒ်ရေးလိုက်တယ်ဗျာ။ ခံစားကြည့်ပါဦး

ဖေဖေ
လောကကြီးမှာ
အမှားဆိုတာ အမှန်ဖြစ်နေတာလား
ကျွန်တော်ကပဲလွဲနေတာလား?
ဘယ်နေရာမှာ
ဘယ်သူ့ကို
ကျွန်တော်ဘယ်လိုဆက်ဆံရမယ်မှန်းမသိခဲ့ပါဘူး။
ဖေဖေရယ်
ငယ်ငယ်တုန်းက
လမ်းသွားရင်
"ပတ်ဝန်းကျင်ကိုကြည့်ပတ်ဝန်းကျင်ကိုလေ့လာစာအုပ်ကြီးပဲဖတ်မနေနဲ့ သမီး "လို့
ဖေဖေဆူခဲ့တဲ့ စကားကိုနားမထောင်လို့များ
သမီးအလိုက်မသိတတ်တာလား ?
ဖေဖေ
ဘ၀နေနည်းကရှုပ်တယ်အဖေရယ်
ဘုရားအလိုကျနေပြန်ရင်
လူတွေကအလိုမကျသလို
တရားအလိုကျ ဆိတ်ငြိမ်စွာ နေပြန်ရင်လည်း
တော်ကီမပွားနိုင်သော
အလိုက်မသိတတ်သော
အလုပ်မလုပ်ဘူးဟုထင်ခံရသော
သဲသဲ ဖြစ်ရ၏

ကျွန်တော့်ခံစားချက်တွေကို ကျွန်တော် စိတ်ထဲရှိသမျှခံစားရသည့်အတိုင်းရေးခြင်းသာဖြစ်သည်။ မည်သူ့ကို မျှထိခိုက်စေလိုသော အတွေးရယ်မရှိပါ။ ကျွန်တော့် ဘလော့ကိုဖတ်၍ စိတ်စနိုးစနောင့် ဖြစ်သွားသူများ စိတ်အနှောင့်အယှက် ဖြစ်သူများရှိပါက ကျွန်တော်အနူးအညွတ် တောင်းပန်ပါသည်။

လေးစားလျှက်
သဲသဲ

ငယ်စဉ်ကကျွန်တော့်ဘ၀ပုံ၇ိ်ပ်များ

အိမ်လွမ်းသူ

ဒီနေ့ 
Gtalk ကနေကြားလိုက်ရတဲ့
အမေ့ အသံက ကျွန်တော့် နားထဲမှာချို နေတယ်
ကျွန်တော့် မိဘတွေကို
မမြင်ရတာ
တစ်နှစ်ကျော်ကြာပေါ့
ခါတိုင်းလို
အမေ့အနားမှာ
ကျွန်တော် ရှိချင်ပါတယ်
အမေ့ မေတ္တာ ကို
အချိန်ပြည့်လိုအပ်နေပါတယ် အမေ
အဖေ့ ဆုံးမ စကားသံတွေကိုလည်း
ကျွန်တော်ဘ၀ အတွက် အမြဲတမ်းလို အပ်နေဆဲပါ အဖေ
အအ်ိပ်ကြီး
အပျင်းကြီး
စကားပြောကမတက်
အလိုက်ကမသိ
ရုပ်က ဆိုးတဲ့ ကျွန်တော့် ကို
ချစ်ခဲ့တဲ့
ကျွန်တော့်  ဖေဖေ နဲ့ မေမေ ပါ။
ဘယ်ချိန်ဘယ် ခါများမှပြန်တွေ့ရပါမလိမ့်
ဆင့်ကာပူ ရေ
လေယာဉ်ခလေးများ
Dcount ရရင်တော့
ပြန်မယ် လို့စိတ်ကူးရင်း
အိမ်လွမ်းသူ ကျွန်တော်တစ်ယောက်တော့
မျှော်လင့်ရင်းဝေး.....

လေးစားလျှက်
သဲသဲ

CCNA အကြောင်းသိကောင်းစရာ အပိုင်း(၁)

ကျွန်တော်တို့ Cisco router ကိုစလေ့လာမယ်ဆိုရင် မသိမဖြစ်သိရမယ့် အစိတ်အပိုင်းလေးတွေကို ကျွန်တော်တစ်ခုချင်းဆီရှင်းပြပါ့မယ်။

(1) RAM - IOS software image , running configuration file and routing tables ကို အဓိက သိမ်းတယ်။

IOS ဆိုတာကတော့ Internet Operation System လို့ခေါ်တယ် ။ ကျွန်တော်တို့ ရိုးရိုး ကွန်ပျူတာတွေမှာ OS တင်ပြီးတော့ သုံးသလို Cisco router တွေမှာ လည်း IOS ဆိုတာရှိတယ်။

Running Configuration file ဆိုတာကတော့ ကျွန်တော်တို့ Cisco router တွေမှာ settings တွေအပြောင်းအလဲ လုပ်တိုင်း မှတ်ထားတဲ့ text file လေးပါပဲ။ အဲဒီ settings တွေ အကုန်လုံးကို Cisco router မှာ effect ဖြစ်စေချင်တယ်ဆိုရင် Cisco router မှာရှိတဲ့ startup configuration file ပေါ်ကို အကုန်ကူးပေးလိုက်ရုံပါပဲ ။ပြောရရင် overwrite လုပ်လိုက်တယ်ပေါ့

Routing table ဆိုတာကတော့ ကျွန်တော်တို့ Cisco router မှာ serial interface or Ethernet interface ကဘယ် routing protocol ကိုသုံးမယ်အစရှိသည်ဖြင့် မှတ်သားထားတဲ့ table လေးတစ်ခုပါ။ Routing protocol ဆိုတဲ့ စကားလုံးအသစ်ကို နောက်ပိုင်းမှာ ဆက်လက်ရှင်းပြပါ့မယ်။

(2) ROM – Router တစ်လုံးကိုစတင် လုပ်ငန်းဆောင်ရွက်နိုင်ရန်အတွက် microcode တွေကို store လုပ်ထားတဲ့ chip လေးတစ်ခုပေါ့ ။ Power on Self test လုပ်ဖို့လည်း ဒီ chip ကလေးကပဲဆောင်ရွက်ပေးပါတယ်။

(3) NVRAM – startup configuration file တွေကို store လုပ်ထားတဲ့ နေရာလေးပါ။ Router poweroff သွားတောင်မှ content တွေကို မပျောက်အောင်သိမ်းထားပေးနိုင်ပါတယ်။ Startup configuration file ဆိုတာကတော့ router စတက်တက်ချင်းမှာ သုံးတဲ့ router တစ်ခုလုံး နဲ့ ပတ်သက်တဲ့ setting တွေကိုမှတ်ထားတဲ့ text file လေးပေါ့

(4) Flash – Flash ဆိုတာကတော့ IOS Software image တွေပါတဲ memory ပါပဲ ။ အဲဒီ flash မှာ software images တွေကို store လုပ်ထားနိုင်တယ်။ Router ကနေ boot တတ်မယ်ဆိုရင် Flash ထဲက IOS software image ကိုရှာပြီး bootup လုပ်တယ်။ အဲဒါကြောင့် မိမိရဲ့ router IOS software ကို ကိုယ်တိုင် ပြန်တင်လို့ရတယ်။ ကိုယ့်စိတ်ကြိုက် IOS version နဲ့ပေါ့။ အဟဲ တင်တတ်ရင်ပေါ့လေ။ ကြုံကြွားဦးမယ်။ ကျွန်တော်တော့ တစ်ခါမှမတင်ဘူးဘူး။

(5)Interface – Interface ဆိုတာကတော့ Router ဆိုတဲ့ စက်ကြီးကို အပြင်က network connection တွေနဲ့ ဆက်သွယ်ဖို့ , configure လုပ်ဖို့ အတွက် Cisco router တစ်ခုချင်းဆီပေါ်မှာ ပါတဲ့ serial, Ethernet, Fast Ethernet, console, auxillary , Integarated Service Digital Network(ISDN) ports တို့ပဲဖြစ်ပါတယ်။

(6) CPU – Cisco router မှာလည်းရိုးရိုး PC စက်တစ်လုံးလိုပဲ Central Processing Unit ပါပါတယ်။

------------------------------------------------------------------------------------------------------------------------------------------------

Router ရဲ့ Boot Process

ကျွန်တော်ခု Router bootup လုပ်တဲ့ အဆင့် ၄ ဆင့်ကိုအသေးစိတ်ပြောပြပါ့မယ်။
(1)POST :
ပထမဆုံး Router ကသူ့ရဲ့ hardware configuration တွေကိုစစ်တယ်။ အဲဒီ hardware configuartion အားလုံးအလုပ်ပုံမှန်လုပ်ဆောင်တယ်ဆိုရင် Router ရဲ့ ROM က Power On Self Test ပြီးပြီလို့ ဆိုနိုင်တယ်။

(2) Loading bootstrap
POST အဆင့်ပြီးတဲ့ အခါမှာ ROM ထဲမှာရှိတဲ့ bootstrap code က IOS software ကို loading လုပ်တယ် ။ run လဲ run တယ်။ အဲဒီလို IOS software ကို run ဖို့ အတွက် IOS image ရှိတဲ့နေရာကို သိဖို့လိုတယ်။ startup configuration file ကလည်း NVRAM ထဲမှာရှိနေရမယ်.

(3) Locating & loading IOS Software
IOS software image တွေဟာ ပုံမှန်အားဖြင့် flash memoryထဲမှာ တည်ရှိတယ်။ Bootstrap code တွေက Flash memory ထမှာရှိတဲ့ IOS image တွေကို RAM ထဲကိုထည့်ပြီး IOS software ကို Run တယ်။

(4) Locating & Loading the configuration:
IOS software ကို စစချင်း Run တဲ့အခါမှာ IOS image က router ရဲ့ statup-configuration file ကိုပထမဦးဆုံးရှာတယ်။ startup- configuration file တွေက ပုံမှန်အားဖြင့် NVRAM ထဲမှာ သိမ်းထားလေ့ရှိတယ်။ အဲဒီ IOS software က startup-configuration file ကို ရှာတွေ့သွားတဲ့အခါမှာ အဲဒီ configuration settings အတိုင်း IOS software loading လုပ်တယ်။

(5) Setup Mode:
တကယ်လို့ အဲဒိ configuration file ကို ရှာမတွေ့ဘူးဆိုရင်
IOS software ရဲ့ Auto-install feature က pre existing configuration file ကို configure လုပ်ပြီး Router installation ကိုစလိမ့်မယ်။
အဲဒီ Auto install features ကို configure မလုပ်ထားဘူးဆိုရင်တော့ Router setup mode ပေါ်လာပါလိမ့်မယ်
-------------------------------------------------------------------------------------------------------
Show Commands

Show commands ကို ကျွန်တော်တို့ router ရဲ့ information တွေဖြစ်တဲ့ (flash, IOS image & interfaces) စသည်တို့ ကို သိရှိအောင် ကြည့်တဲ့နေရာမှာ အဲဒီ command လေးကိုသုံးပါတယ်။

ဒီ screen shot လေးက show version ဆိုတဲ့ command cisco router simulator ကို သုံးပြီး run ထားတာပါ။ ဒီ software ကိုလိုချင်ရင် http://www.mediafire.com/?zmnwmni0vim ဒီမှာ click နှိပ်ပါ။

Cisco router IOS ရယ် router model type ရယ် active interfaces နဲ့ ပတ်သက်တဲ့ information တွေကို ဖော်ပြပေးမှာဖြစ်ပါတယ်။

အိပ်ပြီ တအားအိပ်ချင်နေပါသည် ကျွန်တော်ရေးသော post တွင် Technical နှင့်ဆိုင်သော အမှား များ ရှိလျှင် ကျွန်တော့်ကို comment ပေးစေလိုပါသည် ကျွန်တော်လည်းခုလောလောဆယ် လေ့လာဆဲကာလဖြစ်ပါသည်။

လေးစားလျှက်
သဲသဲ

အမေ့မေတ္တာကို ခံစားခြင်း

ကျွန်တော် ငယ်ငယ်တကတည်းက မိဘအပေါ်ဆိုးခဲ့တဲ့ကလေးပါ ။မနက်မိုးလင်း coffee ပူပူလေးများ ကျွန်တော်မသောက်ရရင် ကော်ကော်…… ကော်ကော……ဆိုပြီး တင်ပါးကိုဆောင့်ပြီး တစ်အိမ်လုံးမှာရှိတဲ့ ကျွန်တော့်အဖေ ၊ အမေ ၊ အမ အိမ်ကိုလာတည့် အဒေါ်တွေ၊ ဦးလေးတွေမကျန် ဂျစ်တိုက်တော့တာပဲ။ ကျွန်တော်ဆီကို coffee တခွက်ရောက်လာပြီဆိုရင်တော့ တအိမ်လုံးအေးချမ်းသာယာရှိကြပါတယ်။

ဒါနဲ့ကျွန်တော်ကြီးလာတယ် အမေနိုင်ငံခြားသွားတော့ ကျွန်တော့်အသက်ငယ်ငယ်လေးပဲ ၇ှိသေးတယ်။ ကျွန်တော့်အဒေါ်တွေ အိမ်မှာ လာနေတယ် ။ ကျွန်တော်ကလည်းငယ်တော့ အချော့အမော့အယုအယကြိုက်တယ်။ သုံးနှစ်လောက်အမေနဲ့ခွဲပြီးနေလာတာကြာတော့ လည်း ကျွန်တော်တို့နဲ့ အတူနေတဲ့ အဒေါ်တွေကို မခွဲနိုင်တော့ဘူး။ အမေပြန်လာတော့ ကျွန်တော် အမေ့ကို နည်းနည်းစိမ်းသွားသလိုဖြစ်တယ် ။ အဲဒီမှာ ကျွန်တော့်အမေ ကျွန်တော့်အတွက် နဲ့ တော်တော်စိတ်မကောင်းဖြစ်ရတယ်။ အမှန်တကယ်ကကျွန်တော် သူများစကားကို ယုံတာပါ။ ကျွန်တော့် အဒေါ်က “နင့်အမေကနင့်ကို မချစ်တော့ဘူးလို့ ပြောရင်” ကျွန်တော်ဂျောင်လေးမှာ တိတ်တိတ်လေးထိုင်ပြီးတော့ ကျွန်တော်တိတ်တိတ်ကလေး လူမသိသူမသိငိုတတ်တယ် ။ အဲဒီအချိန်အမေလည်း ကျွန်တော့် အမ ကိစ္စ ၊ အိမ်ကစီးပွားရေးကိစ္စတွေနဲ့ နိုင်ငံရပ်ခြားကပြန်ရောက်ရောက်ချင်း အလုပ်များနေတော့ သတိမထားမိဘူး။
အဲဒီနောက်တော့ အဲဒီအဒေါ် ရွာပြန်သွားတဲ့နေ့မှာပဲ ကျွန်တော်အကြီးအကျယ်ငိုတယ်။ အမေက ဘာဖြစ်လို့လဲ လို့မေးတော့ “ကျွန်တော်အဒေါ့်ကို မခွဲနိုင်ဘူးလို့ပြောခဲ့တယ်” ၊ အဲဒီမှာ အမေအရမ်းဝမ်းနည်းသွားတယ်။ ပြီးတော့ ကျွန်တော့်ကို အရင်က ထက် ပိုပြီးဂရုစိုက်လာခဲ့တယ်။ အဲဒါနဲ့ ကျွန်တော့်ဘ၀မှာ အမေ့ကိုအချစ်ဆုံးပြန်ဖြစ်ခဲ့ပါတယ်။ အမှန်တကယ်ကကျွန်တော် သူများစကားကို ယုံတာလေ။ ကျွန်တော်မကောင်းတာပါ။ ဘ၀မှာ “ ကိုယ့်မိဘလောက် ကိုယ့်အပေါ်ဖြူစင်ရိုးသားသော စေတနာ မေတ္တာတွေနဲ့ ချစ်မယ့်သူဘယ်သူရှိမလဲဗျာ။ “ ခုမှတဖြည်းဖြည်းပိုနားလည်လာတယ်။ ကျွန်တော်ခု နိုင်ငံခြားရောက်လာတော့ ကျွန်တော့်အမေမှာ ကျွန်တော်တို့မိသားစုကို ချစ်လျှက်နဲ့ထားခဲ့ပြီး ရုန်းကန်လှုပ်ရှားရတဲ့ အမေ့ဘ၀ကို ကျွန်တော်ကိုယ်ချင်းစာမိလာတယ်။ အဲဒါကြောင့် ဒီဘလော့လေးကို ရေးချဖြစ်တာပါ။

နောက်တစ်ခုရှိသေးတယ်။ အဲဒါက ကျွန်တော့်ရဲ့ အကျင့်ဆိုးလေးတစ်ခုပေါ့ ။ နားပူနားဆာ တအားလုပ်တတ်တယ် အမေ့ကို ။ ကျွန်တော်တို့ ဆယ်တန်းအောင်ပြီးတော့ ကျွန်တော် ကြွားတာတော့မဟုတ်ရပါဘူး။ 4 D ရလို့ ကျွန်တော့်အမှတ်က သွားဆေးတက္ကသိုလ် (သို့) ကွန်ပျူတာ တက္ကသိုလ် အမှတ်မှီတယ် ။ ကျွန်တော်မှတ်မိပါသေးတယ် ကျွန်တော်အရမ်းကြီးကြိုးစားလွန်းအားကြီးလို့ ရတာမဟုတ်ပါဘူး အဲဒီ D တွေက အမေ့ကြိမ်လုံးကိုကြောက်လို့ မနက်ဆို အစောကြီးစာထထကျက်ရတာ။ ဒါနဲ့ပြောချင်တဲ့ topic ကပျောက်ပြန်ပြီ။ ကွန်ပျူတာတက္ကသိုလ်ရလို့ ကျောင်းေ၇ွးဆိုတော့ ကျွန်တော်ကနိုင်ငံခြားရူးရူးတဲ့ကလေး ဒါကြောင့် ရန်ကုန်မှာပဲတက်ချင်တယ်။ ဒါပေမဲ့ အမေနဲ့ အမရယ် ပြောရင်းဆိုရင်းကျွန်တော်ကိုအဲဒီတုန်းက ရန်ကုန်မှာကျောင်းတက်ဖို့တားတဲ့ကျွန်တော့်ဆရာရယ် က တောင်ငူကွန်ပျူတာတက္ကသိုလ်ပဲတတ်စေချင်တယ်။ ၇ပါဘူး ။ ကျွန်တော်က တစ်ခုခုလုပ်ချင်ပြီဆိုရင် ဘူးဆိုဖရုံမသီးတတ်ဘူး။ အမေတို့ ပေးတဲ့ ပိုက်ဆံနဲ့ပဲကျွန်တော်လောက်အောင်တတ်ပါ့မယ်ဆိုပြီးတော့ မြို့ပြပြရဲ့ လူနေမှုဒုက္ခတွေကိုအကုန်ခံစားပြီး သင့်တင့်မျှတအောင်နေထိုင်ခဲ့ပါတယ်။ အဖေနဲ့ အမေနဲ့ ကျွန်တော်တို့နှစ်ယောက်စလုံးတက္ကသိုလ်ကျောင်းအတူတူတက်တဲ့အချိန်မှာ အတော်ရုန်းကန်ခဲ့ရပါတယ်။ ကျွန်တော်တကယ်များသိတတ်မယ်ဆိုရင် တောင်ငူကွန်ပျူတာတက္ကသိုလ်မှာ ပထမနှစ်တက်၊ ဒုတိယနှစ်နဲ့ တတိယနှစ်နဲ့မှာ ပြည်ကွန်ပျူတာတက္ကသိုလ်ကို ပြောင်းတက်ခဲ့ဖို့ကောင်းတာ။ အဲဒါဆိုရင် ကျွန်တော်လည်း ကျွန်တော့်အဖေနဲ့ အမေကိုလည်း အမြဲတမ်း ဂရုတစ်ိုက်စောင့်ရှောက်နိုင်သလို အမေနဲ့အဖေလည်း ကျွန်တော့်အတွက်နဲ့ စိတ်သောကပူပန်ခြင်းဖြစ်ခဲ့မှာမဟုတ်ပါဘူး။ အဲဒီအကျိုးရလဒ်ကတော့ ၁၀ တန်းအောင်ပြီးစ ဖက်တီးပုဒ်ကလေးကျွန်တော်ဟာ ရန်ကုန်မှာ သုံးနှစ်ကျောင်းတက်ပြီး တော်တော်ပိန်သွားတယ် ။ ထူသားပေသားကျသွားတာပေါ့ ။ အရမ်းဝေးကွာလွန်းအားကြီးတဲ့ ရန်ကုန်ကွန်ပျူတာတက္ကသိုလ်ကြီးကို တနေ့ ၄ နာရီ Bus ကားပေါ်တစ်မျိုး ကျောင်းကားပေါ် တစ်ဖုံ အသွားအပြန်အချိန်တွေပေးပြီး ပညာတွေဆည်းပူးခဲ့ရတာပေါ့လေ။
ဒါကတော့ နောက်ဆုံးမိဘစကားကိုနားမထောင်ဖြစ်တာလို့ပဲပြောရမလားမသိဘူး။ ကျွန်တော်ဒီစင်ကာပူရောက်တော့ ကျွန်တော့် ချစ်ရသောကျွန်တော့်ချစ်သူနဲ့ အမှတ်မထင်စတွေ့ဖြစ်ခဲ့တယ်။ အိမ်ကအမေသိသိသွားချင်းပဲ ကျွန်တော့်အတွက်နဲ့ စိတ်မကောင်းဖြစ်ခဲ့ပြန်တယ်။ ဘာလို့လဲဆိုတော့ ကျွန်တော်တစ်ခါမှ အဲလိုမလုပ်ဖူးဘူး။ ကျွန်တော် နိုင်ငံခြားမထွက်လာခင်အထိ ကျွန်တော်ဘယ်သူနဲ့မှ ရည်းစားဖြစ်ခဲ့ခြင်းမရှိပါဘူး။ ရည်းစားမထားဖြစ်ခဲ့တာ အဖေ့ကြောင့်လည်းပါပါတယ်။ အဖေကပြောတယ်။

သမီးမိန်းကလေးဆိုတာကိုယ့်ကိုကိုယ်တန်ဖိုးရှိအောင်နေရတယ်တဲ့

၇ည်းစားမရှိတဲ့ မိန်းကလေးနဲ့ ရည်းစာရှိတဲ့မ်ိန်းကလေးဆိုရင် ရည်းစားမရှိတဲ့မိန်းကလေးက ပိုတန်ဖိုးရှိတယ်သမီး

ဲရည်းစားရှိတဲ့မိန်းကလေးနဲ့ အိမ်ထောင်ကျပြီးတဲ့မိန်းကလေးနဲ့ဆိုရင် ရည်းစားရှိတဲ့မ်ိန်းကလေးကပိုတန်ဖိုးရှိတယ်
လို့အဖေကပြောခဲ့တယ်။

နောက်တော့ ကျွန်တော်တို့နှစ်ယောက်စလုံး အဆင်မပြေဖြစ်ပြီး ကျွန်တော်တို့ လက်တွဲဖြုတ်ခဲ့ပါတယ် ။ အမှန်အတိုင်းပြောရရင် ကျွန်တော်သူ့ကို တကယ်ချစ်ပါတယ်။ ဒါပေမဲ့ ဘ၀မှာ မိဘတွေကိုစိတ်ချမ်းသာအောင်ထားနိုင်ခြင်းက ပိုအရေးကြီးတယ်လို့ ကျွန်တော်ခံယူမိပါတယ်။ ကျွန်တော်တို့က အမေနဲ့ အဖေနဲ့ မွေးလို့လူဖြစ်လာရတာလေ။ အမှန်ပြောရရင် ကျွန်တော်တို့က သူတို့ကိုယ်ပွားလေးတွေပါပဲ။ ကျွန်တော့်မိဘဆို အသက် ၅၅ နှစ်ကျော်ပြီ ။ သူတို့နောက်ထပ် ၁၀ နှစ်ကျော်ရင် သူတို့တွေ တဖြည်းဖြည်းအိုလာပြီပေါ့ ။ ကျွန်တော်အဲဒီအချိန်မှာ ကျွန်တော်မိဘကို ကျွန်တော်ဘယ်လိုအခြေအနေနဲ့ထားမှာလဲ။ တွေးကြည့်ရင် ခုထိတော့မရေရာသေးဘူး။ ကျွန်တော်ဖြစ်အောင်လုပ်မယ်လို့ ဆုံးဖြတ်ထားပါတယ်။ ကျွန်တော့်မိဘကို အဲဒီအရွယ်ကျရင် ကျွန်တောရွာကိုပြန်ပြီး ကျွန်တော့်အဖေ နဲ့ အမေနဲ့ ပဲ အတူနေမယ်လို့ ဆုံးဖြတ်ထားတယ်။ အဖေနဲ့ အမေနဲ့ အတွက်လည်း ကျွန်တော်ရဲ့ လစာလေးထဲကနေ အသင့်အတင့် အိမ်လေးတစ်ခု နဲ့ ခြံကျယ်ကျယ်လေးတစ်ခု။ နေရာကတော့ ပြည် (သို့) ကလော ပေါ့၊ ပြည်က ဖေဖေရဲ့ဇာတိရွာနဲ့နီးလို့ ကလောကတော့ ကျွန်တော် ၁ လကျော်ကျော်လောက်နေဖူးလို့ ကျွန်တော်နှစ်သက်တဲ့ အရမ်းနေလို့ကောင်းတဲ့ မြို့လေးပါ။ အဲဒီအချိန်ထိ ကျွန်တော့်အဖေနဲ့ အမေကျန်းကျန်းမာမာရှိနေပါစေလို့ ဆုတောင်းရင်း ။ ဒီဘလော့လေးကိုရေးရင်းနဲ့ ကျွန်တောဆုတောင်းလိုက်ပါတယ်

“ အမေ သမီးဘ၀တသက်လုံးမှာ အမေ့ကို စိတ်ဆင်းရဲအောင်၊ ၀မ်းနည်းအောင်လုပ်ခဲ့သမျှတွေကို ဒီနေ့ကနေစပြီးတဖန်မဖြစ်ပေါ်အောင်ကြိုးစားပါ့မယ်။ မိဘရဲ့ကျေးဇူးကိုဆပ်နိုင်သောသမီးသာဖြစ်ပါရစေလို့ ”

လေးစားလျှက်
သဲသဲ